SA ISANG pambihirang pagkakataon, nagkasundo ang ABS-CBN at GMA 7 para maipalabas ang mga pelikula ng ABS-CBN Film Productions Inc. sa Kapuso network.
Hudyat na rin ito ng potensyal ng mas malawak pang partnership ng dalawang network. Makasaysayan ang bansag ng GMA sa nabuong bagong partnership para maipalabas ang mga pelikula ng Star Cinema mula Abril.
Nag-virtual signing nitong Martes ang pamunuan ng GMA at ABS-CBN. Dumalo mula sa GMA Network sina President and Chief Operating Officer Gilberto R. Duavit, Jr; Executive Vice President and Chief Financial Officer Felipe S. Yalong; GMA Network Films, Inc. President and Programming Consultant to the Chairman and CEO Atty. Annette Gozon-Valdes; First Vice President for Program Management Department Jose Mari R. Abacan; Vice President for Corporate Affairs and Communications Angel Javier-Cruz; Assistant Vice President For Program Management Department Mitzi Garcia; at Assistant Vice President for Corporate Communications Jojo Aquio.
Mula naman sa ABS-CBN, dumalo sina Chairman Mark Lopez; President and Chief Executive Officer Carlo L. Katigbak; Chief Operating Officer for Broadcast Cory V. Vidanes; Group Chief Financial Officer Ricardo B. Tan, Jr.; Managing Director of ABS-CBN Films Productions Olivia Lamasan; Head of International Sales and Distribution Pia Laurel; Vice President for Corporate Communications Kane Errol C. Choa; PR Director Christelle Belmonte; and PR Manager Tonichi Tataro.
All smiles at palakpakan ang lahat sa anunsyo ng virtual host na si Patricia Tumulak: “There you have it. Mga Kapuso, Kapamilya, it’s official: Star Cinema movies will soon air on GMA’s local channels!”
