HINDI PA NAMIN nakukumpirma, pero may nagbulong sa amin na ang tunay na dahilan daw ng hiwalayan ng isang aktres-politician at ng politician lover nito ay lalaki? Diumano, bakla si lalaki at ito ang mainit na usap-usapan sa isang bayan sa North. Siyempre pa, nakarating ‘yon sa kaalaman ni aktres-politician, nag-imbestiga raw ito at presto, nalamang totoo nga!
Kasi naman iba ang “friendship” na namamagitan sa lover niyang politician at sa isang mayroon ding mataas na posisyon sa isang bayan dun din sa bandang North. Kakaiba raw ang closeness ng dalawa at minsan nakakalimot sa sarili na may iba pang tao na nakakakita sa kanila, kaya ayun, may nakapansin, may nakakita at may nakaalam ng tunay at lihim nilang relasyon.
Tahimik pa ang bawat kampo at wala pang nagsasalita sa dahilan ng hiwalayan nila, pero wait lang tayo’t isang araw ay magsasalita din si aktres-politician dahil may plano raw itong mag-comeback sa pelikula at telebisyon.
Abangan!
(By Ronald Rafer)
