NAKAUSAP NAMIN si Jaycee Parker at inamin nitong hiwalay na sila ng kanyang live-in partner for eight years na si Danilo Barrios. Naging maayos naman daw ang kanilang pag-uusap bago sila tuluyang naghiwalay. Hindi raw totoong may third party involve sa kanilang paghihiwalay.
Nilinaw rin ng actress na hindi totoong may anak na sila ni Danilo. Ang actor raw ang may anak sa ibang babae bago pa sila naging magdyowa. Tanggap ng dalaga ang pagiging binatang ama nito.
For now, gusto muna ni Jaycee na mag-focus sa kanyang acting career na matagal na rin niyang napabayaan dahil sa pag-ibig. “Balik single uli ako. Ang sarap ng feeling, you can do anything you want na walang nagbabawal. Marami pa akong gustong ma-achieve sa buhay ko kaya this time focus muna ako sa trabaho. Masarap na mahirap ang pakikipagrelasyon lalo na kung live-in kayong dalawa na parang mag-asawa,” sambit niya.
Dumating kaya sa point na nagkasawaan na sina Jaycee at Danilo kaya’t nagdesisyon na si-lang maghiwalay? “Walang ganu’n, mahal namin ang isa’t isa. Kung dumating sa point na kami pa rin, mangyayari ‘yun. Ako, marami pa akong mga pangarap para sa sarili ko at sa pamilya, ganu’n din siya. Hindi ka makakadiskarte nang maganda if you are in a relationship. We’re still friends kahit hiwalay na kaming dalawa,” say ng magaling na actress.
PALIBHASA THE Reunion ang title ng pelikula ni Direk Frasco Mortiz under Star Cinema, kaya’t ipakikita rito ang journey ng isang high school barkada na nagkita-kita muli matapos ang maraming taon.
Ibinahagi nina Jessy Mendiola, Julia Montes, Megan Young, Enchong Dee, Kean Cipriano, at Matt Evans ang kani-kanilang experience noong high school days.
Na-experience ni Jessy na ligawan ng tomboy noong nasa high school palang siya. “May kaibigan ako noon tomboy, kasi noong bata-bata po ako may pagka-boyish po ako. So, akala niya, katulad ko siya, nanligaw siya. Sinabi ko sa kanya, lalaki ang gusto ko,” say ng young actress.
Maging si Julia Montes, nagkaroon din ng experience na maligawan ng lengwa-estopada (tomboy) noong nasa high school. “Meron po, pa simple-simple lang, biglang umanin (tomboy). Akala ko tropa-tropa lang, ‘yun pala nanliligaw na sa akin,” natatawang sabi ng dalaga.
Tanging si Megan lang ang hindi nakaranas na ligawan ng tomboy. Maging si Kean ay wala ring experience na maligawan ng bading.
Grade five nang may magka-crush na bading kay Matt na teammate niya sa volleyball. Para naman kay Enchong, walang nanligaw na bading, pero naging babae ang dating tomboy na may crush sa kanya. Si Xian, never daw na niligawan siya ng bading noong high school days niya.
Ayon kay Direk Frasco, ang The Reunion ay kuwela at astig na kuwento ng pagkakaibigan, kasiyahan, pag-ibig at musika. Inspired ng mga patok na awitin ng legendary 90’s Pinoy rock band na Eraserheads ang soundtrack nito. Showing on August 15, nationwide.
AYAW Paawat!
by Eddie Littlefield
