SINIPA NG PETRANG Kabayo ang bagyong Juan. Akala talaga ni Boss Vic del Rosario, mauudlot ang araw-araw na magandang box-office result ng launching movie ni Vice Ganda.
As of this writing, ‘yung 5-day gross ng “Petra…” ay umabot na sa P85M, according to Boss Vic. “Kaya pati bagyo, tinalo ng alaga mo!”
Marami pa rin ang hindi naniniwalang kumita ang movie ni Vice. Hayaan natin sila, paniniwala nila ‘yon. Ang importante, ang mga taong nakapanood ang magpapatunay.
Salamat sa lahat ng mga nanood at sumuporta para maging isang blockbuster hit ang Petrang Kabayo.
NAWAWALA PALA KAHAPON itong si Chito Miranda ng Parokya Ni Edgar. Hinahanap siya sa tulong ng Twitter. Nag-alala sina Kaye Abad at Angel Locsin.
“Pa’no kasi, 20 hours nang nawawala at hindi nagri-ring ang kanyang phone. Salamat naman at okay naman pala siya!”
O, at least, kahit split na sila ni Chito, friends pa rin sila, ‘di ba?
“Hahahaha!”
Natawa na lang daw si Kaye Abad.
INILATAG LAHAT NI Ai-Ai delas Alas ang lahat ng librong kanyang binabasa sa presscon ng kanyang 20th anniversary concert na ang pamagat ay “Akin Ang Tronong ‘To!” na gaganapin sa Araneta Coliseum.
Pareho pala kami ng favorite ng aming kumare, si Bo Sanchez na napakahusay sumulat ng kuwento at pawang mga facts of life ang isini-share nito sa readers.
“Very inspiring at alam mong tama lahat ang kanyang sinasabi, kaya sobrang fan niya ‘ko!” sabay pakita ng mga librong may sign pa ni Bo Sanchez.
“Ang bilis-bilis lang namang basahin ng mga ‘to, eh. ‘Pag wala akong magawa or may break ako, basa lang ako nang basa, at in fairness, ginagawa ko sa buhay ko!”
Ang laki na nga ng iminatyur ni Ai-Ai sa buhay, sa totoo lang. ‘Yung mga natututunan niya sa libro, ibinabahagi rin niya sa ibang tao.
“Pero wala akong lovelife ngayon, mare. Ang lovelife ko ngayon, ang career ko, ang pag-aaral ko, itong concert ko, at ang mga anak ko. Masikip ngayon ang kumare mo, hahahaha!”
Kung hindi mo titingnan ang buong poster ng concert, sasabihin mo, ang yabang ng dating. Parang, “Sino ang pinatatamaan?”
Pero ‘yung nakalarawan doon, ang pose ni Ai-Ai, nakasawsaw ang isang paa niya sa trono.
‘Yun ‘yon.
Catchy ang title, in fairness.
Kaya kami na ang nagsabi kay Ai-Ai sa presscon, “Ikaw lang ang nag-iisa sa tronong ‘yan, mare!”
Bilang “Ang Tanging Ina” at “Comedy Concert Queen.”
“Hoy, mga Hari at Reyna ang mga guests ko, ‘no!” sabi pa ng subtitle sa poster. Sa Nov. 19 na ito at sina Sharon Cuneta, Ms. Regine Velasquez at Ms. Lea Salonga lang naman ang kanyang mga guests.
Sa mga hari, “Abangan mo na lang kung sino ang hihipuan ko! Dapat, manood ka, mare, dahil ang dami kong hihipuan dito! Nakakatawa ‘tong concert na ‘to!”
Hindi na namin naitanong kay Ai-Ai kung ipapakita ba niya ang kanyang sanitary napkin sa concert bilang Sisters Sanitary Napkin ang kanyang major sponsor.
Oh My G!
by Ogie Diaz
