GAANO KAYA KATOTOO ang balitang nakatakdang mag-alsa-balutan ang Sexbomb Dancers sa GMA-7 at lilipat na either ABS-CBN o TV5. Balita kasi namin, na-negative ang naging pag-uusap ng CEO/President ng Focus E at tumatayong manager ng Sexbomb Dancers na si Joy Cancio at ng pamunuan ng GMA-7, na hindi na magkakaroon ng regular TV shows ang Sexbomb after ng Danz Showdown.
Kaya naman, bali-balitang no choice daw si Ms. Joy Cancio kundi ang ilipat ng ibang TV network ang Sexbomb, lalo na’t may mga TV networks ang handang kunin ang serbisyo ng pinakasikat na girl group sa bansa at bibigyan ang mga ito ng show na katulad ng Daisy Siete. Pero this time, comedy sitcom ang pagbibidahan ng Sexbomb.
Bukod pa raw rito ang individual shows ng mga pinakasikat na Sexbomb girls like Rochelle Pangilinan, Aira Bermudez, Sunshine Garcia at Izzy Trazona. Maging ang ibang talents daw ng Focus E ay mag-aalsa-balutan na rin at lilipat ng ibang TV network.
SPEAKING OF PAG-OOBER da bakod, nag-ober da bakod na rin from TV5 to ABS-CBN ang young actor at celebrity endorser ng Olive C at Calayan Surgi-Center, at birthday boy na si JR De Guzman na may bago na ring screen name. Siya na si Benjamin De Guzman na nagselebra ng kaarawan last Nov. 19 sa mismong taping ng MYDSL.
Si Benjamin ang isa sa aabangan sa teen show ng ABS-CBN, ang Shout Out, na mapapanood mula Lunes hanggang Biyernes ng 5:30 – 6:30 p.m., kung saan makakasama nito ang ilan sa mga young stars ng ABS-CBN.
Pero kahit nasa ABS-CBN na si Benjamin, regular pa rin naman itong napapanood sa unang kilig-serye ng TV5 ang MY Driver Sweet Lover, kung saan kasama nito sina JC de Vera at Danita Paner.
BLIND ITEM: ISANG taklesang driver ang walang kagatul-gatol na ikinukuwento ang lakad at milagrong pinaggagawa ng kanyang among aktor na hiwalay sa dyowa at sa controversial female TV personality na hiwalay sa kanyang asawa.
Tsika raw ng nasabing driver, halos araw- araw ay magkasama ang kanyang among aktor at ang nali-link ditong sikat na sikat na female TV personality. Halos hindi nga raw mapaghihiwalay ang mga ito sa ngayon na halos buong araw at gabi ay laging magkasama.
At kahit nga raw lakad na ng kanyang among aktor, nakabuntot pa rin ang controversial female TV personality. Mukha nga raw in love na in love ang nasabing babae sa kanyang guwapito at machong among aktor. Kaya naman daw kung todo-bantay ito at walang pakialam sa mga taong nakakakita sa kanila. ‘Yun na!
MULA SA DALAWANG celebrity endorsers na sina Valeen Montenegro (TV5) at Niña Jose (ABS-CBN), nadagdagan pa ng limang teenstars na celebrity endorser ang Skin Central na matatagpuan sa E. Rodriguez at sa St. Francis Square.
Sila ay ang GMA Tween Stars na sina Louise Delos Reyes, Derrek Monasterio at Kristoffer Martin. GMA new teen star at Regal Baby na si Hiro Magalona at ang TV5 young comedian na si Zyrus “Poknat” Desamparado.
Ang Skin Central daw ang dahilan kung bakit super kinis at ganda ng kutis ng mga nabanggit na young stars. Ayon kay Mr. Kim Ilarde at Ms. Tin Tin, ang mga may-ari ng Skin Central, makabagong pamamaraan daw at makabagong equipments ang kanilang sikreto sa pagpapaganda ng kutis ng kanilang mga costumers. Kaya naman if you want to look good, go na kayo and try the services of Skin Central.
John’s Point
by John Fontanilla
