ANG ILAN PALA sa bagong mga kaibigan ni Vice Ganda ngayon ay sina Liz Uy, Isabelle Daza, Georgina Wilson at Raymond Gutierrez na mga barkada rin ng kanyang kasamahan sa Showtime at malapit na kaibigan din na si Anne Curtis.
Sa katunayan, after mag-taping ni Vice last Wednesday ng kanyang show na Gandang Gabi, Vice!, sinabi nito sa amin na may rampa pa raw s’ya with his new-found friends, Liz and Mond (nickname ni Raymond). Hindi pa nga raw n’ya alam kung saan sila pupunta nu’ng gabing ‘yon.
Keri naman daw gumimik ng komedyante, kahit weeknights kung wala naman daw s’yang commitment sa gabi, at kahit pa may Showtime kinabukasan at 10:30 am.
Hyper pa rin daw kasi si Vice, kahit na puyat pa s’ya mula sa gimik kinagabihan. Bumabawi na lang daw s’ya ng tulog after Showtime kung wala naman s’yang ibang trabaho.
Isa si Vice sa mga artistang ini-style ni Liz na bestfriend ni Mond, kaya sila naging malapit. Habang na-ging isa sa mga hurado noon si Georgina na pinsan naman ni Isabelle. Lahat sila ay mga kaibigan ni Anne.
Matagal na nga raw niyayaya ni Anne si Vice na sumamang lumabas sa kanila, kaya lang ay nag-aalangan daw nu’ng una ang huli na baka mailang s’ya sa kanila. Subalit, hindi naman daw ‘yon nangyari.
Kahit mukhang sosyal ang mga bagong kaibigan ng isa sa pinakasikat na komedyante ngayon, inamin nito na kaya naman daw nilang mag-adjust para sa isang katulad n’ya na simpleng tao lang, kaya hindi naman daw s’ya na-intimidate sa kanila. Sa katunayan, cowboy nga raw ang mga ito.
Nai-kuwento tuloy ni Vice sa amin na nu’ng minsan daw silang gumimik, nagyaya ang kanyang mga sosi friends na kumain muna bago sila maghiwa-hiwalay at umuwi. Sa Manila Peninsula Hotel sa Makati raw pumunta ang grupo nila na ikinagulat n’ya.
Pero nag-dialogue daw si Vice sa kanila na, “Hindi ako magbabayad ng P360 para sa tapa…” Kaya naman sinabi n’ya raw sa mga ito na, “dadalhin ko kayo sa Tapsi ni Vivian at Bulaluhan, malapit sa Aurora Blvd. sa Cubao,” na paborito n’ya at ng kaibigan n’yang si Ethel Booba.
Na-realize nga lang daw ni Vice na medyo open area roon at paputok na raw ang araw, kaya hindi n’ya na raw dinala ro’n sina Liz, Isabelle, Georgina at Mond. Nauwi na lang daw sila sa Chowking along Makati Ave.
Minsan daw ay kahit sa McDonald’s lang sila kumakain pagkagaling sa Republiq sa Newport Mall sa Resorts World sa Pasay.
BIRTHDAY PALA KAHAPON, July 26, ng pinakamamahal na ina ni Albie Casiño na si Mommy Rina.
Nalaman lang namin na birthday ni Mommy Rina yesterday nang maka-text namin ito last week. Inalam namin kung ano ang plano n’ya at ng kanyang pamilya, including Albie sa birthday n’ya. “We’re going to Tagaytay spend quality time there with family & give thanks for His goodness,” reply n’ya sa amin.
Napag-alaman naman namin mula sa handler ni Albie na si Luz Bagalacsa at Star Magic publicist na si Thess Gubi na marami raw na naka-line-up na projects para sa bagets. Mapapasama raw ulit sa isang teleserye ang young actor.
Kaya walang dapat ikalungkot ang mga sumusuporta kay Albie, kahit nawalan pa ito ng dalawang proyekto.
Lubos naman ang pasasalamat ni Mommy Rina sa mga patuloy na nagmamahal at sumusuporta sa kanyang anak, kabilang ang mga showbiz writers.
Makinig ng Wow! Ang Showbiz! with Ms. F as in Fernan de Guzman, Mimi, and yours truly over at DWIZ 882 KHZ on AM band, Monday-Friday, 11-12 NN or log on to www.DWIZ882.com. Follow me on Twitter: @francissimeon.
Franz 2 U
by Francis Simeon
