OLA CHIKA! NAPALINGON na lang ako sa mga ginagawa ng mga pulis sa pamilya ni Ted Failon. Parang baboy na binitbit ang mga kasambahay ni Ted, dinala sa presinto at pinagsasampahan ng kaso, huh! Pati ang magaling na broadcaster ng ABS-CBN, ‘di rin nakaligtas, huh!
Marami na kaming pinagdaanan ni Ted bilang magkaibigan. More than 25 years na nga kasi kaming magkaibigan ni Ted. Hindi lang siya kaibigan kundi ituturing ka pa niyang kapatid.
Nu’ng namatay ang aking anak, siya ang unang personalidad na dumalo sa burol. Hindi lang ‘yan. Maging nang namayapang Queen of Radio na si Tiya Dely Magpayo, nandu’n din ang magaling na broadcaster.
Hindi maiiwasan na marami ang nasasagasaan ni Ted, lalo na sa kanyang programa, mapa-pulitiko o ordinaryong tao, wala siyang sini-sino. Ngayon, sinamantala ang kahinaan ng magaling na broadcaster, dahil sa matinding dagok sa buhay nito ngayon. Kaya parang mga kabuteng nagsulputan ang napakaraming nag-iimbestiga kuning-kuning, huh!
Sinamantala nga ng mga pulis ang kahinaan ni Ted, dahil nasagasaan din niya ang mga ito. Kaya naman, lumalabas na hindi na makatao ang ginawa nilang pag-iimbestiga sa pamilya ng broadcaster. Pati nga mga kasambahay ni Ted, sinampahan ng mga kaso.
Lumalabas din tuloy na dahil sa binitiwang pahayag ng dating Pangulong Joseph Estrada na nililigiwan nila ang magaling na broadcaster na sumanib sa kanyang partido, gan’un na lang kainit ang mga pulis sa kanya. Masyado na nga binaboy ang karapatan nito. Gayong kung minsan, iniintindi rin naman sila ni Ted at hindi sila nakakatikim ng maaanghang na salita mula sa broadcaster.
Pero, ‘ika nga, may ganti rin ‘yan, karma kung tawagin, huh! Police brutality ang ginagawa ng mga pulis na ‘yan. Hindi sapat ang isang buwang pagsuspinde sa kanila. Dapat ay imbestigahan din at ‘wag ibale-wala na lang. Mga hayok sa serbisyo ang mga ‘yan, huh! Tsk… tsk… tsk! Hay, naku! Sumasakit ang ulo ko sa inyo! Hahaha! ‘Yun na!
NAKATANGGAP AKO NG e-mail mula sa isang “Zam Boanga” . Reaksiyon niya ito sa mga nangyayari ngayon kay Annabelle Rama. Kayo na ang bahalang humusga.
Sa aking palagay, sa halip na makatulong is annabelle sa anak, the more na mas marami ang naiinis sa kanya. Hindi na siya nakakatuwa. Dapat nag-isip isip muna sila sa mga consequences sa mga pwedeng mangyari sa anak nya. Lahat ng mga artista, inaaway nya basta tipong nakakalamang sa anak nya. Matanda na ang anak nya. He should learn to fight his own battle. Mukhang nakikipaglaban pa siya sa publicity sa mga anak nya. TAMA NA.
Sa blog ni bryan gorrell (delfindjmontano), nahalungkat tuloy yung luma nyang picture kung saan naka-expose yung isang boobs nya nuong nag-uumpisa pa syang mag-artista. Kung walang mga taong nagagalit na sa kanya, yun ba naman dapat pang maungkat. MAG ISIP ISIP MUNA SIYA. Marami na rin siyang mga apo na time will come, makikita yung picture nya na dapat ay nakalibing na sa hukay. Unless na gusto nyang gawin ang “Pinakamagandang Hayop sa Lupa Part 3” -(1st was Gloria D. ,2nd was Ruffa G)?….
It’s me- zam (one of your followers). Thank you.
Ooola Chika
E-mail: [email protected]
by Tita Swarding
