Umiinog daw ang buhay ngayon ng mahusay na teen actress na si Andi Eigenmann sa kanyang unica hija na apat na taong gulang na ngayon. Ito nga raw ang maituturing na greatest love ngayon ni Andi, bukod sa kanyang pamilya at trabaho.
Lahat nga raw ng kanyang ginagawa sa ngayon ay para sa kanyang anak. Ang future at kapakanan daw nito ang kanyang prayoridad.
Masaya nga raw si Andi Eigenmann at nabigyan siya ng Kapamilya Network ng panibagong serye, ang “The Greatest Love” na ayon dito ay napakaganda dahil tumatalakay ito sa buhay ng isang pamilya.
Makasasama ni Andi sa serye sina Sylvia Sanchez, Matt Evans, Dimples Romana, Joshua Garcia, Rommel Padilla, at Arron Villaflor.
John’s Point
by John Fontanilla
