BLIND ITEM: “Kup-l” kung tawagin ng isang TV host ang kanyang co-host. Inis na inis siya rito, dahil bastos at walang respeto sa babae. Ni minsan, hindi niya naramdamang naging gentleman sa kanya, kaya ang tawag niya rito sa talikuran ay kup-l”!
‘Wag na kayong manghingi ng clue dahil hindi ko kayo bibigyan. Nagdamot? Ha-ha-ha!
‘Eto na lang: Merong isang letra sa “kup-l” ang letra ng pangalan ni Mr. Kups.
KAHIT LAUNCHING MOVIE na ni Vice Ganda ang Petrang Kabayo at nakapag-shooting na rin siya ay hindi pa rin siya makapaniwala. Kulang din sa self-confidence ang bakla, kaya siya na mismo ang nag-request kay Direk Wenn Deramas na mag-undergo siya ng acting workshop.
Kaya kahapon, nagkita na sina Vice at ang mahusay na character actor na si Pen Medina para manamnam nang husto ni Vice ang character niya sa Petrang Kabayo. Ang hindi lang namin naitanong ay kung pati ba ‘yung kabayong gagamitin ay mag-a-acting workshop din.
“NAKAKA-SHOCK NAMAN, MARE! Hindi ko talaga maimadyin, ang bata-bata pa ng kapatid ko, tapos ganu’n lang ang nangyari sa kanya?”
‘Yan ang mensahe sa amin ni Angelika dela Cruz kahapon. Si Edward, ang younger brother ni Shine, ay nagwagi bilang konsehal at namatay nu’ng mahagip ng isang truck along NLEX nu’ng ma-flat-an ng gulong ang kanyang sasakyan.
Sa mga gustong magbigay ng huling respeto, the remains of Edward dela Cruz will be laid to rest at Floresco Heritage Funeral sa Dagat-dagatan Avenue (C-3), Malabon City, near Pagamutang Bayan ng Malabon.
Ang bait-bait pa naman ng batang ito. Kahit saan kami magkita, laging nakangiting babati sa amin. Sa dela Cruz family, ang aming taos-pusong pakikiramay.
Oh My G!
by Ogie Diaz
