SA LAUNCH ng kanyang bagong endorsement na tuna brand, nakausap namin si Anne Curtis at kinumusta ang nagdaang Valentine’s niya. Paano kaya nila ito isinelebreyt ni Erwan Heussaff, ang kanyang longtime boyfriend?
Ani Anne, “It’s very very simple, we have a nice home cook dinner, we watched an Audrey Hepburn film and then ‘yon my gift ako! Secret!”
Ayaw idetalye ni Anne kung ano nga bang gift ang kanyang natanggap mula sa BF pero for keeps daw talaga ito.
Dagdag pa niya, “Hindi naman mahal, that’s the one thing that I love about Erwan, it’s always about the simple things, the sentimental things.”
Nag-celebrate naman si Anne ng kanyang ika-27 birthday noong nakaraang Biyernes. May wedding plans na nga ba sila ni Erwan?
Isang malutong na halakhak naman ang sagot ng bagong ‘Concert Princess’. “Ay! Ang aga aga naman… Kaka-27 ko pa lang!”
Dagdag pa nito, “Wala namang deadline, but then I hope to be a mom before mag-35 naman.”
Sa tingin kaya niya, si Erwann na ang makakasama niya habang buhay? “I hope so, I really, really hope so! Gusto ko siya na!”
Ano ba ang kaibahan ni Erwan sa ibang naging karelasyon niya? Aniya, “I can’t explain, eh! Kasi, I don’t think it’s right to compare also because each of everyone of them was a unique relationship that I had with them. Parang no regrets with any of them, with Erwan, it’s I don’t know, I just… I’m just so happy and it’s such a quite relationship and you know I’ve never been this peaceful!”
‘Yun na!
SA AMING patuloy na pakikipag-usap kay James Yap pagkatapos ng kanyang practice sa isang gym sa may San Juan, inusisa namin siya tungkol sa ‘di mamatay-matay na intriga sa kanila ni Isabel Oli? Bakit nga ba palagi silang iniintrigang may relasyon diumano?
Sagot niya sa amin, “Si Isabel kasi kaibigan ko. Kumbaga sobrang na-chismis kami before, so hindi talaga namamatay. Pero gusto ko talagang linawin na kaibigan ko lang talaga si Isabel at saka sobrang bait niyang babae.”
Naintriga na sila noon after ng hiwalayan nila ni Kris Aquino. Pero namatay ang isyu at nagkarelasyon naman daw si Isabel kay Gab Valenciano. Nitong na-grant naman ang annulment ni James kay Kris, at nagkahiwalay naman daw ang landas nitong si Isabel at Gab, muli na namang bumalik ang tsismis kina James at Isabel.
Paliwanag ni James, “Nagsimula na naman kasi ito roon sa Cebu. Nagkataon na nandoon ako and nandoon din siya., Kung baga, aksidente lang na nagkita kami sa isang mall. So siguro nga, ‘yun… na-tweet kami na nag-usap kami. Nag-‘hi’ ako, ako ang unang nag-approach sa kanya, siyempre kaibigan naman e, walang malisya sa gano’n.
“Alam naman niya ‘yan eh, kasi kapag natsitsismis kami, open naman kami, nagte-text kaming dalawa, which is hindi ko naman tinatago ‘yun. Sinasabi ko namang kaibigan ko si Isabel, so wala talaga. Sana hindi maapektuhan ‘yung pagkakaibigan namin.”
Sana nga matuldukan na ang isyung ito para matahimik na lahat.
Sure na ‘to
By Arniel Serato
