Sigurado, pagpipiyes-tahan na naman ng mga entertainment programs ang bagong isyu sa controversial doctor (teka, ‘di ba’t natanggalan na ito ng license?) na si Hayden Kho.
Why? Dahil kahit na constant dating partner niya si Dra. Vicki Belo, naghahanap pa rin pala ng ibang makaka-date si Hayden.
Oo nga’t tuluy-tuloy pa rin ang proseso ng kaso ni Katrina Halili versus Hayden. Oo nga’t very supportive pa rin si Dra. Belo kay Hayden after all the scandals. Oo nga’t laging sinasabi ni Hayden na mahal pa rin niya si Dra. Belo.
Pero bakit naman naghahanap pa ng padrino si Hayden para makilala in person ang bago niyang crush na si… hold your breath, Kuya Dan… ang professional pole dancer at ang isa sa mga sexiest female ng FHM na si Paloma. And why not? Sexy na e, beauty and brain pa ang UP graduate na si Paloma.
Paano namin nalaman?
Hmm… after our thorough investigation (may ganu’n daw, o!), nalaman namin from the head of the Facebook group called Drop Dead Gorgeous (DDG) na pinipilit siya ni Hayden na ipakilala sa kanya si Paloma.
Our sources told us na nakita raw kasi ni Hayden ang litrato ni Paloma sa Facebook dahil isa sa members ng DDG ang seksing pole dancer.
E, dahil nagkakaroon lagi ng event ang DDG sa The Lounge (na pag-aari ni Hayden), the controversial ex-doctor asked the “lady boss” of DDG kung puwedeng isama roon si Paloma sa isang event.
More so, pinatatanong pa raw ni Hayden kung puwedeng maimbitahan si Paloma sa launching ng kanyang signature cologne para magkaroon daw ng intimacy ang bonding nila kapag nagpaunlak ito.
Hmmm… mukhang ayaw talagang magpapigil ni Hayden, huh! What’s wrong nga naman if the ex-doctor wants to smell fresh new flowers, so to speak, ‘di ba?
E, kung tutuusin, dine-deny naman nina Hayden at Dra. Belo na sila pa rin kaya technically speaking e, puwede na talagang mag-flirt sa ibang girlets si Hayden, that is, kung papatulan nga siya ni Paloma lalo na’t hanggang ngayon e, fresh pa rin sa kaisipan ng tao ang mga sex video ng ex-doctor kasama ang kanyang ex-girlfriends.
Pero sabi nga sa ball game, bilog ang bola and expect the unexpected!
MASAGASAAN NA ANG dapat masagasaan, pero Tita Fanny Serrano expressed his sentiment sa mga award-giving bodies, kung saan for countless of years e, lagi na lang siya nano-nominate pero never became a winner.
Sa pelikulang Tarima helmed by Direk Buboy Tan, ibinigay na naman ni TF ang kanyang the usual self when it comes to acting.
Being the gay lover of Rocky Salumbides sa Tarima, nagampanan na naman ng maayos ni TF ang kanyang role kaya’t ang laging sinasabi ng kanyang mga close friends, siguradong makatatanggap siya ng award sa pelikulang ito.
Pero umaasa pa ba si TF? Mukhang hindi na dahil siya na rin ang nagsabi na laging may pulitika ang award-giving bodies. Laging may pambato ang mga producers at nila-lobby nila ang kanilang mga alaga kaya mahihirapan daw talaga siyang makakuha ng tropeo.
Sabi nga ni TF, sapat na raw sa kanya ang makarinig ng mga papuri dahil ‘yon ay katumbas na rin daw ng ‘sandosenang tropeo na hindi niya natatanggap sa award-giving bodies.
Pero TF, award-giving season na naman and who knows, baka this time e, mapansin ka na, ‘di ba?
Sour-MINT
by Joey Sarmiento
