SUMIKAT NA noon si Antoinette Taus, at nang mawala na sa uso ang pakikipag-loveteam niya noon kay Dingdong Dantes na nakarelasyon niya rin, tuluyan na talagang lumamlam ang kanyang career, dahil nawala na siya sa uso. Nanirahan sila sa ibang bansa, kaya talagang pangalan na lang niya ang natatandaan sa showbiz, dahil wala nga siya rito sa Pilipinas. Si Dingdong ang nagpatuloy ang career, at dumiretso sa kanyang kasikatan.
Ito namang si Antoinette, ilang ulit nang bumalik sa Pilipinas at nagparamdam sa showbiz. Pero ka-cheap-an na ang kanyang ginagawa, na sa tuwi na lang siyang magpaparamdam sa showbiz pagkagaling niya sa ibang bansa, si Dingdong pa rin ang paulit-ulit na nagagamit ang pangalan sa tuwing magpapainterbyu siya. Nakauumay ang palagi niyang pagpapainterbyu na ang laging patutunguhan ng usapan ay ang nakaraan nila ni Dingdong.
Kalowkah, huh! Minsang nagparamdam si Antoinette sa showbiz, si Karylle pa ang karelasyon ni Dingdong, at dahil mabait si Karylle, deadma lang siya sa mga pagpapainterbyu noon ni Antoinette tungkol kay Dingdong. Nitong huling bumalik sa bansa si Antoinette, si Marian Rivera na ang bagong karelasyon ng guwapong actor, pero si Antoinette ay wala pa ring bagong isyu kundi ang gamitin sa kanyang interbyu si Dingdong. Ang isyu sa kanya na dapat pansinin ni Antoinette ay alis siya nang alis sa showbiz, kaya hindi na siya makabalik ulit sa dati niyang kasikatan.
ChorBA!
by Melchor Bautista
