SOBRANG NA-TRAUMA PALA si Sunshine Dizon sa nangyaring aksidente nu’ng kamakalawa lang, kung saan merong nabanggang babae ang asawa niyang si Timothy Tan at dead on the spot ang babaeng ‘yun. Nakakaloka!
Sakay pa naman si Sunshine nu’ng time na ‘yun na biglang tumatakbong tumawid daw itong babae at hindi na nakaiwas ang asawa niya, nahagip talaga at tumilapon daw ito.
Kuwento ni Mommy Dorothy, sigaw nang sigaw daw si Sunshine na lalong ikinataranta ni Tim dahil siyempre buntis pa ang aktres.
Hindi raw alam ni Tim kung alin ang uunahin niya. Dahil sa sobrang pagkataranta ni Sunshine, kailangan din niyang itakbo ng hospital. Ayaw rin daw niyang ipakita roon si Sunshine at baka lalong lumaki dahil kilala siya.
Kaya dinala raw niya muna sa hospital si Sunshine at pagkatapos nu’n, binalikan na itong babaeng nabangga dahil nakita nga raw niyang hindi na talaga kayang paabutin ng hospital.
Sumuko naman daw si Tim at mabuti na lang naayos daw nila ‘yun sa pamilya ng babae.
Pero kahit si Tim ay na-trauma rin nang husto lalo na si Sunshine.
Tiniyak lang nina Mommy Dorothy na hindi naapektuhan ang pagbubuntis ni Sunshine kaya pina-hospital nila ito.
Nu’ng nakausap ito ng Startalk kinagabihan, medyo okay na raw ang aktres pero sobrang nag-aalala pa rin daw siya para sa asawa niya na nasangkot sa ganu’ng aksidente.
Sana nga naayos na nila iyun para hindi na lumaki pa ang kasong ito ng asawa ni Sunshine.
Abangan n’yo na lang bukas sa Startalk ang panayam namin kay Sunshine tungkol dito. Siguro by that time, malalaman na rin kung baby boy ba o girl ang ipinagbubuntis niya.
NAKITA KO NGA pala si Ervic Vijandre sa presscon ng Johnny Rockets nu’ng kamakalawa lang at mukhang artista na talaga ito, ha! Okay na rin naman daw siyang pasukin ang showbiz kung merong magandang offer sa kanya.
Sinita ko nga siya nang sinabi niya sa isang interview na hindi niya kilala si Dingdong Dantes.
Parang hindi naman kapani-paniwalang hindi niya kilala, ‘di ba?
Ang paliwanag naman niya sa akin, hindi raw niya kilala personally. Hindi naman daw sila na-introduce sa isa’t isa kaya ‘yun ang ibig sabihin niyang hindi niya kilala.
Nu’ng Linggo nga nagkasabay sila roon sa Party Pilipinas pero hindi naman sila nagkabati du’n.
Sabi naman niya sa akin, nahihiya naman daw siyang batiin ito dahil hindi nga sila na-introduce sa isa’t isa. Parang hindi naman daw maganda na lapitan niya ito para batiin at baka hindi naman daw siya sagutin. Kaya alanganin din daw siya.
Pero kung sakaling magkaroon ng chance, babatiin naman daw niya ito dahil nasa iisang network lang naman sila.
Marami nga ang nakapansin nu’ng Linggo na habang ini-interview si Ervic, nandu’n lang daw sa likod si Dingdong na napatingin din sa kanya.
Palagay ko naman magkakaroon din ng chance na magkabati sila, dahil nakapag-move on naman silang lahat.
Ang hindi lang natin sure, kung magkaroon ng pagkakataong magkasama sila sa isang project.
Mamayang gabi na pala ang finals ng Survivor Philippines Celebrity Showdown at dito na magkakaalaman kung sino ang wagi at tatanghaling Ultimate Celebrity Survivor.
Mga Mata ni Lolita
by Lolit Solis
