OLA CHIKKA! NAKAPAGTATAKA kung bakit ganu’n na lang kadali mabalewala ang pagkasagrado ng isang kasal. Hindi ito isang laro na kapag ayaw mo na at hindi ka na masaya ay bibitawan mo na. Hindi iyon basta kapag lumapit ka sa isang
lawyer, mag-file ng petition, tatakbo ang kaso, ibababa ang desisyon, tapos na.
May iba naman diyang magpapakasal para mapag-usapan lang. Ang pagpapakasal ay para sa mga taong nag-iibigan at ‘yung makakasama mo habang buhay.
KATULAD NITONG SI Krista Ranillo na iilang buwan pa lamang sa Amerika ay ilang beses nang ginugulo ang showbiz sa ‘Pinas matapos magpa-interview at magbulgar ng ilang isyu. Una na rito ay ang kanyang pagpapakasal kay Jefferson Niño Lim, CEO ng Island Pacific Supermarket noong August 8, 2010.
Maraming tao ang nagulat dahil sa sandaling panahon ng pag-stay ni Krista sa US ay ikinasal na siya agad at mas marami nga ang nagtaas ng kilay nang mapanood ang interview niya nu’ng isang gabi, kung saan kinumpirma niyang nagdadalang-tao nga siya.
‘Di ba, kakaloka itong si Krista? Pero may mas nakakaloka pang chikka nang malaman ko sa aking super duper reliable na parazzi girl mula mismo sa bakuran ng Dos at malapit na kaibigan ni Niño Lim na hindi raw totoo ang kasalang Krista at Niño.
Nagulat ako dahil may mga litrato namang ipinakita si Krista ng kanilang kasal. Ngunit ang sabi lamang sa akin ng aking parazzi girl: “Ay, naku! Mahirap bang mag-organize ng kasal-kasalan?!”
Huwaaat!! Walang bisa iyon?! Ewan ko lang, huh, sa dinami-rami ng mga intrigang naglalabasan ngayon ay hindi mo na malalaman ang totoo. Tulad na lang nitong hindi naman daw totoong mayaman ang asawa ni Krista, ngayon naman, hindi raw totoo ang kasal nila… sa susunod kaya, hindi rin totoo ang pagbubuntis niya or hindi totoong si Niño ang ama ng ipinagbubuntis niya?
Hmmm… hindi kaya ang lahat ng ito ay isang kasinungalingan lamang at ginagamit lamang si Niño na front ng isang makapangyarihang taong nakaugnay kay Krista?!
‘Yun ay tanong lamang at malalaman din natin ang kasagutan sa takdang panahon… Wapak! Kapayapaan!
NATANGGAP NA NGA ni James Yap ang petition mula sa kampo ng kanyang asawang si Kris Aquino. Nagpatawag pa ng press conference noong isang araw si James kasama ang kanyang laywer na si Atty. Lorna Kapunan.
Kitang-kita ang lungkot sa mukha ni James at pagka-stress sa mga nangyayari. Sa bagay, ikaw ba naman ang tanggalan ng karapatan sa anak mo ay talagang maloloka ka.
Hindi natin masisisi si Kris kung bitawan na niya ang relasyon nila ni James. Ngunit sana’y huwag naman niyang idamay ang relasyon ng mag-ama. Nakalagay sa petition ang hinihiling ni Kris na full custody ni Baby James maging ang pagtatanggal ng surname nitong Yap at palitan ng Cojuangco-Aquino.
Sa isang text message din na natanggap ni James mula kay Kris, hindi niya maaaring makita si Baby James hangga’t hindi pa natatapos ang kaso. Kaya pumalag naman ang kampo ni James.
Hanggang ngayon, hindi ko pa rin mawari kung bakit bigla na lang nagbaho si Kris. Noon ay halos lumuha na siya ng dugo maibalik lamang ang kanyang asawa at maisalba ang kanilang pamilya. Ngunit ngayon, ganu’n na lang siya katibay at
halos parang wala silang pinagsamahan ni James. Maaring pagod na pagod na siya sa pambabae raw umano at pagkakaroon pa raw ng anak ni James sa ibang babae, or maaaring may kapalit na nga talaga sa posisyon ni James sa puso ni Kris.
Walang kahit sino man ang nakaaalam ng totong nangyayari kundi silang dalawa lang. Kaya kahit ano pang sabihin natin ay hindi na natin mababago ang sitwasyon.
Nakakatuwa lang si James dahil sa kabila ng kahihiyang hinaharap niya ngayon ay ipinaglalaban pa rin niya ang kanyang anak… hindi katulad ng iba riyan na ganu’n kadali na lang iabandona ang anak na parang kuting lang kung iwan. ‘Yun na!
BLIND ITEM: PITIK-BULAG! Sino itong pretty actress na mala-anghel ang mukha ngunit hindi naman daw mukhang approachable? Noong nakaraan sa isang presscon, nakita ko nga ang magandang aktres na ito, ngunit nakapagtataka na dalawang press lang ang lumapit sa kanya upang ma-interview. Samantalang itong baguhang young actress ay pinagkaguluhan.
Naisip ko tuloy kung bakit dinedma siya ng press, dahil kaya mukhang masungit siya or sadyang natalbugan na siya ng young actress na ito? Gusto n’yo ng clue? Sige ano nga naman ba ang laban ng taong mabulaklak ang pangalan sa taong tubig. Ha-ha! Pak!
Kung hindi n’yo pa rin mahulaan ay alamin sa aking programa sa DWSS 1494 kHz weekdays from 11:30-12 nn, kaya makigulo at maging una sa chikka kasama ang aking mga parazzi girls na sina Lady Camille, Lady Ghaga and Lady Khianna. At patuloy pa rin po akong subaybayan sa DZRH TV tuwing linggo mula 2:30-3:30 p.m. Thank you very much and God Bless us all!
Ooola Chika
E-mail: [email protected]
by Tita Swarding
