JANUARY NA NAMAN. Bagong buwan, bagong taon at bagong simula na naman para sa ating lahat. Isang mahabang paglalakbay na kung ano ang mangyayari sa future, we don’t know. We can only pray and hope for the best.
The month of January was named after the Roman god Janus. In Roman mythology, he is “the god of good beginnings.” He is the doorkeeper of heaven and the god of beginnings and endings. May dalawang mukha ang kanyang estatwa, one on each side. His figure represents time dahil nakikita ng kanyang mga mukha ang nakaraan at ang future. Janus symbolizes what happened in the old year while looking forward to the new one.
Kagaya ni Janus, mayroon ding dalawang mukha ang showbiz: the crying masked face and the laughing one. Sinasalamin ng mga maskara ang mga masasaya at malulungkot na pangyayari sa showbiz at sa buhay ng bawat artista. Maraming nangyayari sa apat na sulok ng showbiz – may nagpakasal, may nabuntis, may nag-away, may nagbati, may naghiwalay, may nagkabalikan, may nanalo, may natalo, may nawala, may nagbalik, may nanganak, may namatay at may nagdemandahan.
Celebrities are public figures. The prying eyes of the public are always on them whether they like it or not. No matter how much they would like to keep their personal affairs private ay hindi nila ito puwedeng itago sa mapagmasid na publiko. Marami ang interesadong malaman kung ano ang nangyayari sa kanilang buhay. Kaya nga hindi madali ang maging artista because being a celebrity comes with a high price. Minsan sarili mo nang kaligayahan ang nakapusta. Nakalilimutan minsan ng publiko na katulad din nila ang kanilang mga hinahangaang artista.
I always say that the world of showbiz is fascinating. Nakaaaliw at nakababaliw. Sinasabing kahit na anong mangyari sa personal na buhay ng isang artista, anuman ang estado ng kanyang emosyon, the show must go on. Pero kadalasan ay mahirap ihiwalay ang personal na buhay sa trabaho. Kahit gaano mo itago ang iyong nararamdaman ay nahahalata pa rin ito sa iyong mga mata, ngiti at kilos.
You might be dying of fatigue and hunger but once the cameras start to roll, you leave every tired bone and muscle behind. You try to smile and face the cameras as if nothing happened. In this business, we smile if asked to, we cry if need be, we scream even if our heart is bleeding or we mourn even when we are at our happiest. Ito ang mundo ng showbiz – kung saan ang imposible ay ginagawang posible. Kumakayod ka na para bang ang bawat araw ay huling araw na ng mundo.
Let us look forward to a brighter and bigger 2010 with hopes for peace and prosperity for all. Sana ay mas maraming masasayang pangyayari sa showbiz. May the movie industry produce more quality films that will showcase the Filipino talent. I hope the international music scene will open its elusive doors to more Filipino artists. More recognition to Pinoys abroad. Please no more disasters like typhoons Ondoy and Pepeng which affected millions of homes, communities, properties and life. Magkabati na rin sana ang mga dating nagkasamaan ng loob. Hindi ba mas masarap umpisahan ang taon if you start on the right foot? Mas masarap ngumiti kesa sumimangot. Sabi nga nila, it takes more facial muscles to frown than to smile. Subukan mo, kaibigan.
Happy New Year!
Kaibigan, usap tayo muli!
Points of Boy
by Boy Abunda
