PALIBHASA MAY offer na show ang Singko kay BB Gandanghari kaya napilitan itong magbalik-‘Pinas at pansamantalang iwan ang pagmo-model sa New York. Isang reality show ang ginagawa ngayon ng controversial actor with Mariel Rodriguez. Mismong ang TV host ang nag-convince kay BB para gawin ang nasabing show. Nang magbalik-bayan si BB, sa bahay ni Robin Padilla, tumuloy ang controversial ex-husband ni Carmina Villarroel. Si Mariel pa nga ang sumundo sa dating actor sa NAIA. Kinagabihan, nagbigay ng welcome party ang Padilla family and friends para kay BB. Nagtipon-tipon ang magkakapatid at malalapit na kaibigan ng actor para kumustahin ito. Siyempre, lahat ay excited na makita at makausap ang dating Rustom Padilla.
Namangha ang lahat sa naiibang hitsura ni BB nang lumabas ito ng kanyang kuwarto. Babaeng-babae na raw sa kilos at galaw. Pati pananamit, hairstyle at make-up, akala mo’y isang international model na bumagay naman daw sa angking ganda na taglay niya sa ngayon.
Habang tinititigan si BB, nagiging kamukha na raw nito si Carmina. Walang bakas sa dating Rustom Padilla na kilala natin noon. Slim ang pangangatawan na akala mo nga tunay na modelo. Panay ang posing sa mga kaibigan at kamag-anak. Feel na feel na kinukuhanan siya ng litrato. Pati nga raw boses nito’y nag-iba na rin. Kulang na lang magpalagay ng boobs at keps ang dating actor, masasabi mong isa na siyang ganap na babae, tsika sa amin.
Milyones ang ibinayad ng TV5 kay BB para gawin ang mala-Truman Show ni Jim Carrey. Flying high ang TF ngayon ni BG. Hindi ba’t P600 thousand ang ibina-yad sa kanya ng Kapatid Network (kapatid nga ba?) para lang ito mag-guest sa Paparazzi?
Unang inalok ng ABS-CBN si BB, exclusive interview with Boy Abunda for The Buzz, pero hindi nila kinagat ang asking prize nito kaya’t sa Singko umapir ang nagbabalik-showbiz na si BB.
Ayon sa aming source, nakapag-taping na si BB ng dalawang episode. Maganda raw ang kinalabasan kahit walang script dahil reality show nga ito. Sa buong kabahayan, nakaikot ang iba’t ibang klase ng kamera para makunan ang lahat ng kilos at galaw ni BB. Kanya-kanyang silang batuhan ng dialogue. Napaka-natural ang bawat eksena kaya nakatutuwa raw panoorin. Sa pamilya at kaibigan ni BB tatakbo ang istorya kaya’t kapana-panabik daw ang bawat episode. Inuumpisahan palang ikuwento, natatawa na agad ang aming kausap. It means, masaya itong panoorin. Ganu’n?
AYAW Paawat!
by Eddie Littlefield
