MASAYA SI BELA Padilla na humupa na ang kontrobersiyang kinasangkutan niya bunsod ng sinasabing may pagka-racist na cover photo niya sa isang men’s magazine. Hindi lang nga siya sa buong Pilipinas pinag-usapan kundi naging international news item din siya na pati foreign media ay nagkainteres na interbyuhin siya.
Sa panahong kasagsagan ng pagbatikos sa cover photo niya, hindi naman daw nabahala o na-stress ang young actress.
“I’m not the type who would really think of being stressed,” aniya nga nang makausap namin sa Party Pilipinas last Sunday.
“Naging positive pa rin ako through out all of this. In-enjoy ko na lang. Kasi hindi naman lahat negative. Actually, sobrang dami rin ng mga positive feedback. At mas doon ako nag-focus. And, thank you sa mga naka-appreciate ng ginawa namin na work. And to those who didn’t, I hope you see the beauty of what we did. You know, I’m not gonna force anything naman. So kung ano lang ‘yong gusto nila.”
Pakiramdam daw ni Bela ngayon, she is starting to emerge with her own name na. Katuwiran pa nga niya, “We know kasi that I come from a family of big actors (gaya ni Robin Padilla at iba pang mga artistang kaanak niya). And, may sinasabi rin na kamukha raw ako ni ganito. Or nagka-issue ako kay ganito o ganyan. Or naging partner ni ganito sa isang palabas… ganyan. So, I want people to see me na gusto ko kapag nakita nila ako, Bela na. ‘Yong may recall ako as Bela na.”
Hindi raw apektado si Bela kung hanggang sa ngayon ay tuloy pa rin sa pambabatikos sa kanya ang detractors niya. Ang mensahe na lang niya para sa mga ito: “Well, thank you so much din sa inyo. Hindi siguro ako magiging ganito ka-strong para lahat harapin ko. Nakakatulong sila (detractors niya) sa akin. Sa totoo lang.”
Sa umpisa pa lang ng pagpasok niya sa showbiz, nasabak na siya sa kung anu-anong matitinding isyu at intriga. Nasanay na raw siya na maging matapang para harapin ito.
Ang kanyang pamilya, ano ang sinasabi kapag nai-involve siya sa controversies gaya nga nitong pinakahuli?
“Uhm… from what I’ve heard when I talk to my parents and ‘yong iba pa sa family namin, they’re all very proud of the work I’ve done. And they were very pleased with my interviews. They said that they understand where it’s coming from. And that’s all that matters to me, that my family knows what I’m going through. You know, feeling ko, I don’t have to prove myself too much to other people. I’m happy na buo ang suporta ng family ko sa akin.”
Handa na rin ba siya sa pagpu-portray ng mga sexy o daring roles?
“Hindi muna siguro po sa ngayon. So, abangan nila ‘yong next step ko. Gusto ko, pahintayin ko pa kayo nang konti!”
Dumami ba ang kanyang admirers o ‘yong mga guys na gustong pumorma sa kanya sa ngayon?
“Medyo po!” tawa ulit ni Bela.
And how is she entertaining them?
“Uhm… ewan ko. Hindi ko pa iniisip sa ngayon. Hindi pa ako nagri-reply sa kanila! Ha-ha-ha! Actually, most of them nagpaparamdam through text. Hindi ko nga alam how they’re getting my number. And not just admirers naman. ‘Yong mga old friends ko rin from school, ganyan… they’re reconnecting with me now. So it’s really nice,” nakangiting sabi pa ni Bela.
Rubbing Elbows
by Ruben Marasigan
