IPALALABAS NA SA Lunes ang pinakabagong panghapong serye ng Kapuso Network na Sinner or Saint (dating Sentensyada). Ito ang follow-up project ni Dennis Trillo pagkatapos ng matagumpay na pagtatambal nila ni Heart Evangelista sa Dwarfina. Nagbabalik-Kapuso rin si Alessandra de Rossi bilang kontrabida kay Bianca King. Yes, bidang-bida na nga-yon sa isang teleserye ang isa sa paboritong kontrabida ng Siyete!
Sa totoo lang, hindi naman si Bianca King ang original choice para sa programang ito. Balita noon na dapat ay comeback pro-ject ito ng dating magsyotang sina Dennis Trillo at Jennylyn Mercado, na lumabas last year sa Sine-novela presents Gumapang Ka Sa Lusak. Nang maghiwalay ang dalawa, lumutang ang pangalan ni Iza Calzado na siya raw ang napili para magbida sa serye. Dahil sa dami ng naka-line up na TV and movie projects, kinailangan ni Iza na mag-backout. Pagkaraan ng ilang araw ay ipinaalam na sa madla na si Bianca King na ang final choice para sa Sinner or Saint.
Base sa mga nababasa naming write-ups, ito ay istorya ng isang babaeng umako sa kasalanan ng kanyang kasintahan at nakulong sa bilangguan. Seven years na sa bakuran ng Siyete ang mestizang aktres kaya naman handang-handa na itong su-mabak sa lead status.
Halata naman sa Twitter account ng dalaga ang kanyang kagalakan sa pagtitiwalang iginawad sa kanya ng mother studio.
Kung sa bagay, hindi lang naman basta-basta itong si Bianca. Maliban sa magandang mukha at seksing katawan, may ibubuga ito pagda-ting sa aktingan. Medyo malungkot ito dahil kailangan niyang lisanin ang programang Captain Barbell, pero at least bida na siya sa isang soap opera, ‘di ba?
Hindi kataka-taka na walang masyadong umaangal sa pag-elevate ni Bianca from kontrabida to bida status dahil may ‘K’ naman ito. Ang tanong: Tanggap na kaya ng mga manonood ang bagong transition na ito? Let the judgment begin!
For comments, questions and suggestions, kindly email us at [email protected]. Visit our website athttp://www.pinoyfansclub.com
By Mica Rodriguez
Showbiz Blogster
by Mica Rodriguez
Pinoy Fans Club
