NAKAKALOKAH ANG HAPPY, Yipee, Yehey!. Bukod sa isa itong noontime show, puwede mo na rin itong ituring na “talk show” dahil ‘yun mismong mga artista ay involved sa isyu.
Tulad na lang ni John Prats na inaming wala na sila ni Rachelle Ann Go. Na ang third party raw ay si Bianca Manalo. Ito namang si Bianca, naaasar na, dahil ba’t daw lagi siyang ginagawang third party sa hiwalayan ng mga artista?
Eh, maganda ka, gagah. Kung chapter ka, eh hindi mo naman mararanasan ‘yan, ‘no!
Samantala, si John Estrada, tinanong si Bianca na kung sakaling liligawan siya ni Pratty, dahil single na sila pareho, may pag-asa bang sagutin niya si John?
Ang sagot ni Bianca? “Ine-enjoy ko muna ang pagiging single ko!”
Ano ‘yon? One way of saying, “Hindi ko type si John Prats!”
Dahil ano? ‘Pag kausap ka, boobs mo ang kausap niya?
Chos!
‘ETO NAMANG SI Matteo Guidicelli, pilit na pinaamin ng mga co-hosts niya sa Happy, Yipee, Yehey! tungkol sa ano ba ang real score sa pagitan nila ni Maja Salvador?
Umechoserong frog ang binata by announcing na siyam na buwan na raw silang magkaibigan mula pa nu’ng gawin nila ang Super Inday & The Magic Kabibe.
Pero ang daming umapela sa Twitter. Ang claim ng mga followers ni Matteo, echoserong frog ang binata, dahil August sinimulan ang shooting ng Super Inday, eh ano’ng petsa na raw ngayon?
Juice ko, nagkulang lang nang isang buwan si Matteo para magsaktong 10 months na ang friendship nila ni Maja, hindi pa rin siya pinatawad ng mga fans nila, huh!
Hahaha!
Sino naman kaya sa susunod ang may lilinawing isyu?
“NAKAKALOKAH!” BUNGAD NI Vice Ganda, “’Yung mga friends kong taga-call center, in full force na manonood sa concert ko, mama! Mataas yata ang sales nila these months, kaya iti-treat sila ng boss nila sa concert ko sa Araneta Coliseum sa July 1!”
Na-touch din si Vice, dahil si Direk Lino Ca-yetano ay humihirit na baka puwedeng mabigyan ito ng magagandang seats, “Dahil 100 tickets ang bibilhin ni Direk.”
Ano ‘yon, me gusto sa kanya si Direk Lino?
“Gagah, hahaha! Hindi rin natin alam. Hahaha! Assuming daw ako, o!” sey ni Vice.
‘Yung mga friends nga namin from Bacolod at Bohol ay luluwas pa para manood lang ng concert ni Vice. Sabi kasi namin sa kanila, hindi nila panghihinayangan ang pagluwas nila, dahil parang ang dating ng mga gagawing prod numbers ni Vice ay huling Araneta niya na ito.
Nate-tense nga rin kami sa mga naiisip ni Vice na gawin para mas “unkabogable” ang kanyang “Vice Ganda: Todo Sampol Sa Araneta,” dahil juice ko, kailangan ng todo-todong rehearsal at praktis niya para ma-perfect at hindi pumalpak.
(Hindi muna namin ma-reveal sa inyo kung ano ‘yon, dahil gusto ni Vice, surprise ang dating!)
Maling galaw, maling kibot lang ni Vice, palpak na ang prod number.
Kaya ‘yung shooting niya para sa second solo movie niya sa Viva Films, “ipinahinga” niya muna at sa July na niya ito itutuloy para makapag-concentrate siya para sa concert.
Sa mga wala pang tickets, tumawag na kayo sa ticketnet at 911-5555.
Dali at ubusan na ‘to!
Oh My G! by Ogie Diaz
