MARAMI na tayong artista sa pelikula at telebisyon na nababalitang may mga ‘girlfriend sa dilim’ o mga dyowa na hindi isinasapubliko para pangalagahan ang kanilang karera.
Pero meron din naman mga ‘side chick’ na hindi sila ang opisyal na mahal ng lalaki, pero sa tuwing nakakaramdam ng tawag ng laman, number niya agad ang tatawagan.
May mga nakarating sa amin na ang magkasama sa isang TV show ngayon ay may mga extra curricular activities sa set. In general public sense ay puwede naman silang maging magkasintahan dahil hindi naman sila kasal sa kung sinuman. Ang kaso, may totoong girlfriend sa dilim ang aktor at hindi namin alam kung tikiman lang ba ang sa kanila ng side chick o baka naman nadedevelop na rin sila? Well, they look good together so why not?!
