KAWAWA NAMAN ANG isang dating sexy star na sumikat din naman nu’ng araw. Alam n’yo bang pati pala ito ay biktima ng doktor na nagtuturok ng silicone oil sa puwet?
Fifteen years ago na ‘yung kanya, at ngayon ay kumalat na sa kanyang katawan ang impeksiyon. Nate-tense ang sexy star dahil juice ko naman, kung bakit natayming pang ikakasal na siya sa kanyang non-showbiz dyowa.
Hindi niya pinangarap na ma-sight nito ang kanyang mga namamagang braso, at daliri dahil sa pagkalat ng impeksiyon.
Kung ano ‘yung nangyari kay Selina kasi, ‘yun din ang nangyayari ngayon sa kanya. Hindi lang ang puwet niya ang kinakain ng impeksiyon, maging ang kanyang boobs.
“Juice ko, paano pa maisusuot ang wedding ring niya kung tumaba na ang daliri niya, ‘di ba?” Sey ng isang friend ng sexy star.
Kawawa naman ang sexy star. Pinagkakitaan niya ang “kapekean” ng kanyang kagandahan noon, pero ngayon, tila sinisingil na siya ng kapalaran. Sana nga ay matanggal agad ang impeksiyon sa katawan niya. Pero ang balita namin, hindi alam ngayon ni sexy star kung ano ang dapat niyang gawin.
“Nahihiya siyang lumantad in public. Dahil, siyempre, baka bigla siyang hiwalayan ng dyowa niya’t hindi na siya pakasalan, ‘di ba?”
Juice ko, nakakaloka nga ito. Sayang, may “K” pa naman ang sexy star. Dati, ha?
by Ogie Diaz
