HE SANG FOR the world, then it was the world’s turn to sing for him.
Mag-aalas-kuwatro na ng umga batapos ang GMA coverage ng memorial service para kay Michael Jackson, talbong ang walang Tulugan with the Master Showman ni Kuya Germs! Overall, hindi batbat ng nag-uumapaw na emosyon ang naturang event with alternating eulogies and song number. Para ka lang ding nanood ng isang concert save for the imposing casket na kinalalagakan ng mga labi ng tinaguriang King of Pop.
Kani-kaniyang anekdota ang ibinahagi ng mga nagsalita, most unnerving of which para sa akin ay ang ikinuwento ng Blue Lagoon star na si Brooke Shields who met MJ when she was 13. Trivia ‘yung rebelasyon ni Brooke (who cried a brook) na ang paboritong awitin ni MJ ay Smile, that seemlessly segued to Jermaine’s (kapatid ni MJ) rendition of the song.
Sinisipon na ako, lalo pa tuloy akong sinipon! ‘Di ko keri ang lakrimosang eksenang ‘yon, before I knew it, I was crying even a larger body of water than Brooke!
Kuwarenta’y siyete na po ang inyong lingkod, tatlong taon lang ang agwat namin ng aking idol whose songs like Ben, One Day In Your Life, to name a few, I would sing during my teenage years.
Pero higit sa GLOVE na suot-suot niya ang maaalala ko kay Michael, ‘yun ay ang kanyang LOVE, the very seed of it that he sowed all over the world.
TIYAK NA DISMAYADO ang GMA-7 dahil kinabog ng Only You ang inaasahan pa man ding bonggang-bonggang ratings ng pilot episode ng Rosalinda. Very ironic naman kasi. Excited dapat ang mga viewers sa bagong putaheng ito ng Siyete,what with all the hype and hyperbole para i-promote ito as opposed to Only You na kung tutuusi’y patapos na.
WWW… as in what went wrong?
Kung tutuusin pa rin, mukha namang may promise ang tambalang Geoff-Carla, a refreshing tandem na puwedeng sumunod sa mga yapak nina Dingdong Dantes at Marian Rivera. But it still takes a powerful trio in Angel Locsin, Sam Milby and Diether Ocampo to nail it down in the ratings game.
MAGANDANG BALITA PARA sa mga kababayan natin diyan sa Kyusi. Ang numerong ito na 9220876 ay susi para sa libreng operasyon sa mga may harelip o bingot, with matching libre pang speech lessons matapos ang procedure.
Just look for Eric Ibanez or Gaile. Nope, hindi po sila ang mag-oopera. Sila ang hanapin n’yo sa nasabin numero dahil another serbisyong publiko na naman ito ni Quezon City councilor Aiko Melendez sa pakikipagtulungan sa IZOD at PBM, whatever those acronyms satand for.
Ang maliwanag, ang stand ni Binibining Aiko na lalo pang ipagpatuloy ang mga makabuluhang gawain para sa kapakinabangan ng kanyang constituents.
by Ronnie Carasco
