NAKAKALOKA ANG CELEBRITY couple na ito. Super hilig kasi nila ang magtipid na kadalasan ay wala na sa lugar.
Kapag may okasyon sa kanilang buhay, naku, asahan ninyong halos lahat ay libre na lang. Talagang inoobliga nila ang kanilang mga kaibigan na magdala ng something para sa okasyon.
At kung makakalusot, gagawin nilang ex-deal ang lahat ng preparasyon sa kanilang okasyong isini-celebrate. Kulang na lang ay libre lahat at presensiya ng lang nila ang kailangan.
Makunat pa nga raw sa inuyat ang mag-asawa. Super tipid sila kaya naman malaki ang natitipid nila sa mga gastusin nila sa bahay.
Naloka nga ang friend namin nang malamang pati ang birthday ng kanilang anak ay halos wala silang ginastos. Pati yata ang venue ay nakuha nila nang libre.
Ganoon sila katinik pagdating sa pagtitipid.
Ang babae ay hindi masyadong visible sa showbiz ngayon pero ang kanyang dyowa ay kilalang-kilala.
(By Alex Brosas)
