SIBAK NA ANG Wowowee ni Willie Revillame, papalitan na ito ng Pilipinas, Win Na Win na sina Kris Aquino at Robin Padilla ang magiging main host. This Saturday na ang pagbubukas ng naiibang noontime show ng ABS-CBN. Bonggang-bongga raw ang mga cash prizes na ipamimigay sa contestant pati na rin sa audience na magpa-participate.
I’m sure, magiging patok sa masang Pinoy ang team-up nina Kris at Robin. Siyempre, hindi matitinag sa kanyang kinalalagyan si Pokwang ganu’n din si Mariel Rodriguez na pawang malalapit na kaibigan ni Kristeta. Pasok din siyempre si Valerie Concepcion.
Today raw ang dating ni Kristeta kasama sina Baby James at Joshua galing sa three weeks vacation sa US. Kung hindi raw sa pakiusap nina Gabby Lopez at Ms. Charo Santos, hindi na raw sana tatanggapin ni Kris ang offer ng ABS-CBN na mag-host.
Mapagbiro talaga ang tadhana. Sino ang mag-aakalang si Kris ang papalit sa trono ni Willie? Subok na ang galing at husay ng actress sa pagiging TV host. Hindi ba’t nagkaroon ng hindi pagkakaunawaan sina Kris at Willie dahil sa ginawang pambabastos nito sa libing ni Madam Cory Aquino? Kahit nagkapatawaran na, naghilom na ang sugat, may iniwan pa ring sakit si Willie sa puso ng Aquino family.
Excited tuloy kami panoorin ang PWNW baka may bagong pasabog na naman sasabihin si Tetay.
Pagkatapos ng hiwalayang Kris – James, mababalitaan mo na lang na may ganitong issue. Hindi talaga nawawala sa eksena itong si Kristeta, palaging may bagong mapaguusapan. Hindi nawawalan ng issue, sandaling namahinga, pagbabalik talk of the town uli ang drama nang actress/TV host.
Abangan na lang natin sa Sabado kung ano ang magiging eksena nina Binoe, Kris, Mariel, Pokwang at Valerie at kung sinu-sino pang artista ang kanilang makakasama sa Pilipinas, Win Na Win.
HINDI LANG MAGALING na singer performer si Chokoleit, marunong din siyang umarte. Markado ang role niya sa Tarima with Fanny Serrano at Rocky Salumbides. Matalik na kaibigan ni TF na nakapatay ng callboy ang papel na kanyang ginagampanan. Nakakaaliw ang mga eksena sa kulungan, pinatawa at pinasaya niya ang mga totoong bilanggo sa Quezon City Jail.
Nand’yang rumampa si Chokoleit na nakadamit pambabae kasama ang mga baklang preso sa loob ng kulungan na para bang sasali sa beauty contest. Eksenang pinaliliguan niya ang mga guwapong bilanggo nang hubo’t hubad. Pakikipag-lovemaking sa isang baguhang actor na pareho silang nakahubad. Keber, kung ang nota ng lalaki naka-emote sa harapan ng comedian.
Malaki ang chance ni Chokoleit na manalo bilang Best Supporting Actor sa iba’t ibang award-giving bodies. Na-impress sina Fanny, Gloria Romero, Ana Capri at Rustica Carpio sa galing niya sa comedy.
“Iba ‘yung sense of humor ni Chokoleit, ang bilis niyang magisip. ‘Yung ibang eksena dito hinayaan ko lang siya. Natural na natural.para nga hindi siya umaarte. ‘Yung kilos at galaw niya sakto sa bawat eksena. Saludo ako sa kanya as a comedian, malayo ang mararating niya. Magaling sa timing at mabilis ang pick-up lalo na sa mga lines, ang bilis niyang bumato ng linya.
“May katuwiran si Direk Wenn Deramas na isama si Chokoleit sa kanyang mga pelikula. Lalong nagiging riot sa katatawanan ang eksena kapag kasama siya. May charisma siya na wala sa ibang komedyante. Nag-iisip nga ako ng magandang project na babagay sa kanya and this time gusto ko si Chokoliet ang bida. Kaya niyang magdala ng sarili niyang pelikula at patutunayan ko ito. ‘Yung personality niya ‘yan ang wagi sa international festival,” papuring sabi ni Direk Neil.
Maging si Fanny pawang papuri rin ang binabato kay Chokoliet. “First time kong nakasama si Chokoliet sa pelikula, magaling siya. Natural na sa kanya ang pagiging komedyante, kahit nga seryoso na ang usapan ‘pag nag-dialogue na si Chokoleit matatawa kang talaga. Masayahing tao siya kahit alam nating may problema rin siya. Hindi mo siya kakikitaan na may problema, mahusay siyang magdala kaya palagi niyang sinasabi, “Tawanan ang problema para maging masaya ka.”
AYAW Paawat!
by Eddie Littlefield
