NAKAUSAP NAMIN si Chris Tiu sa launch ng kanyang bagong endorsement na mobile brand at dito ay napag-usapan namin ang kanyang lovelife.
Sorry na lang mga girls, pero very much taken na si Chris at halos lagpas na sa limang taon ang kanyang relasyon sa isang Chinese-Filipina, na ayon pa sa kanya ay pareho sila ng ugali at mga pananaw sa buhay.
26 years old na ngayon ang Smart Gilas cager at marami pa siyang gustong ma-achieve sa kanyang karera bilang basketbolista.
Depressed mang masasabi na hindi sila nakapasok sa Olympic Qualifier, puspusan naman ang paghahanda nina Chris at kanyang mga teammates para sa World Basketball Championships Qualifier na nakatakda sa Setyembre.
Naitanong namin sa kanya kung is he the marrying type at malugod naman niyang sinagot ng yes. Baka raw pag-29 na siya or 30 ay magsi-settle down na si Chris upang bumuo ng kanyang sariling pamilya.
Goodluck Chris!!!
ANG SAYANG kakuwentuhan ni Arci Muñoz dahil wala itong kaere-ere. Birthday ni Arci kahapon at wala na raw siyang mahihiling pa kundi good health na lang. Sunud-sunod kasi ang kanyang proyekto sa TV5. Pagkatapos ng Mga Nagbabagang Bulaklak ay malapit na ring mapanood ang Felina, Prinsesa ng mga Pusa.
Kuwento pa nito, malapit daw talaga siya sa mga pusa kaya hindi siya natatakot sa taping kahit sandamakmak na pusa ang nakapaligid sa kanya.
Nag-train pa raw siya kung paano gumalaw bilang pusa since ang kanyang role ay prinsesa ng mga pusakal (pusang kalye).
Kahit daw kuntodo prosthetics siya during tapings ay wala siyang angal dahil gustung-gusto niya ang kanyang role.
Happy birthday Arci, sana maging successful ang nalalapit na pagpapalabas ng Felina.
DUMATING NA ngayong araw na ito ang American Idol finalist na si David Archuleta. Pipirma ng kontrata si David bilang pinakabagong Kapatid at makakasama niya sa serye ang dalawang prinsesa ng TV5 na sina Eula Caballero at Jasmine Curtis Smith.
Masaya naman si Charice sa pagpunta ng bansa ni David, matalik na magkaibigan ang dalawa. Nagkataon namang dumating sa bansa ang international singing sensation upang pansamantalang magpagaling dahil sa aksidenteng naranasan nito noong Christmas sa Amerika.
Sure na ‘to
By Arniel Serato
