NAGING ISA sa malaking controversy sa showbiz ang usaping pera sa pagitan ng mag-asawang Raymart Santiago at Claudine Barretto na hindi napigilang humagulgol sa pagkawala diumano ng kanilang joint saving accounts sa Union Bank na nagkakahalaga ng P5 million na iwi-widraw na sana nito. Kaya lang ay may nauna nang nag-withdraw ng pera sa ibang branch ng bangko, at ang pinaghihinalaang nag-withdraw nga nito ay ang kanyang kabiyak na si Raymart sa dahilang dalawa lang sila na authorize at may karapatang mag-withdraw ng kanilang savings.
Dito umusbong ang balitang break na ang dalawa at nagkaroon ng grabaeng away na naging dahilan umano para i-withdraw na ng mga ito ang kanilang joint savings. Kung saan kasama pang pumunta ni Claudine sa bangko ang kanyang lawyer na si Atty. Agnes Maranan para i-close na ang nasabing aacount. Noong una nga, ayon sa bangko ay intact pa ang kanilang pera, pero nang iwi-withdraw na ito ni Claudine, tsaka naman sinabi ng bangko na may nauna nang nag-withdraw nito sa ibang branch na ikinaloka ni Claudine.
Habang lumalala ang issue sa pagkawala ng pera ni Claudine sa bangko, naglabasan na rin ang balitang matagal nang hiwalay ang mga ito at may taong lumutang at sinasabing dahilan ng break-up ng dalawa. Nand’yang nadawit ang pangalan ni Jennylyn Mercado na kasama ni Raymart sa show na Futbulilits, na mariin namang pinabulaanan nina Raymart at Jennylyn. At kalaunan ay napatunayang hindi naman talaga totoo.
Nand’yan pang natsismis na nagpapahanap na ng bahay si Claudine na matitirahan nito pansamantala kasama ang kanilang dalawang anak na idinenay pa rin ng mga ito sabay sabing intact pa rin ang kanilang pamilya at magkasama sa iisang bubong at walang hiwalayang nagaganap, kasabay ng paglabas nila ng kanilang joint statement na nagsasabing hindi sila hiwalay. At narito ang kumpletong statement:
“In recent days, there have been numerous negative rumors about our marriage and our relationship, all of which have caused us, our children, and our families undue stress, strain, and unnecessary tension.
“In order to dispel all these unfounded innuendos, we now publicly declare, in the simplest and clearest terms that:
“WE ARE STILL TOGETHER, we have not separated, we love each other, and we both value and cherish our marriage and relationship.
“Any issues that we may have are private, and do not detract from, nor diminish, the strength of our marriage. We ask that the public allow us to deal with our minor concerns without the glare and glee of media speculation that only hurt us and those we love.
“We are both deeply committed to our two (2) children, whom we love unconditionally. As concerned and devoted parents, we shall zealously protect their privacy, and their right to be untouched by malice and gossip. We plead with the public to respect their rights: they are innocent children unjustly harmed by the baseless gossip about us.
“We hope this JOINT STATEMENT settles and lays to rest all questions about us as a couple, and as individuals.”
At kahit nga nagpadala na ng kanilang joint statement sina Claudine at Raymart, marami pa rin ang naniniwala at nag-iisip na may problema sa pagitan ng mga ito at malaki raw ang posibilidad na hiwalay na talaga ang mga ito at inililihim lang sa publiko.
Pero sa ngayon daw, ayon na rin sa mga malalapit na kaibigan nina Raymart at Claudine, walang katotohanan na hiwalay na ang dalawa. Nagsasama pa rin daw ang mga ito at pilit na sino-solve kung ano mang problema ang pinagdadaanan ng kanilang pamilya.
Dagdag naman ng isang malapit na kaibigan ni Claudine, normal lang naman daw na magkaroon ng tampuhan ang mag- asawa at ito raw ang pinagdaraanan nina Raymart at Claudine. Pero nakikita naman daw ng mga ito na nag-e-effort ang mga ito para hindi masira ang kanilang pamilya.
Ayaw na nga lang daw patulan at paapekto nina Claudine at Raymart sa mga negatibong balitang lumalabas patungkol sa kanilang dalawa na pilit na sinisira ang kanilang pagsasama. Basta ang mahalaga raw, magkasama sila at buo ang kanilang pamilya.
John’s Point
by John Fontanilla
