MINSAN PA, PINATUNAYAN ni Coco Martin na made na nga siya as a dramatic actor nang itanghal siya bilang Best Movie Actor sa katatapos na PMPC Star awards For Movies, para sa mahusay niyang performance sa indie film na Noy.
“Sa napakaraming recognition na dumarating ngayon sa buhay ko, napakasaya!” sabi nga niya nang makausap namin after the awards night. “Ang sarap ng pakiramdam dahil sobra na-ming pinaghihirapan ang trabaho namin.”
Sa mga independent at digital films unang nabigyan ng break at kinakitaan ng galing sa pag-arte si Coco. Kasunod nito, ang pagiging Kapamilya at sunud-sunod na paggawa na rin niya ng mga primetime series sa ABS-CBN. And then, sa mainstream movies naman.
“Masaya talaga ang feeling ko na nari-recognize ako ngayon lalo na sa mainstream. ‘Yon talaga… ‘eto na ang bunga ng mga pinaghirapan ko.”
Although napagtagumpayan niyang pandayin ang sarili bilang isang de-kalibreng artista, nakatatak na sa publiko na nagsimula siya dati bilang isang bold actor na walang kiyeme sa pagpapakita ng hubad niyang katawan. There was even one movie pa nga na may frontal nudity siya.
Sa estado niya ngayon as one the country’s new breed of best actors, malabo na bang mapapayag siyang tumanggap ulit ng sexy roles o mag-bare sa pelikula?
“Sa akin naman, hindi naman ano ‘yon, e. Part ng trabaho ko ‘yon. At bilang artista, parte ng trabaho ko ang katawan ko. Kumbaga, walang kahit anong bagay na makapaglilimita sa akin.”
Zero raw ang lovelife ni Coco ngayon. Pero patuloy naman siyang nali-link kay Maja Salvador na co-star niya sa primetime series ng Dos na Minsan Lang Kita Iibigin.
“Ah… siguro dahil parte ng trabaho namin ito. Na magkasama kami sa isang soap opera.”
Pero nanliligaw nga ba siya kay Maja?
“Hindi. Pero kung sakali, wala namang masama, ro’n. Unang-una, binata’t dalaga naman kami.
“And… masaya naman ako, kasi feeling ko naa-appreciate kami ng mga manonood. Iyon din nga siguro ang dahilan kung bakit kami inli-link sa isa’t isa. Kasi nagagampanan namin nang mahusay ang aming trabaho.
“Pero kung sa nanliligaw, hindi naman. Kasi, magkaibigan lang kami ni Maja.
Wala raw sa isip ni Coco ang tungkol sa pagkakaroon ng girlfriend sa ngayon.
“Sa hirap ng trabahong ginagawa ko, baka ano, e… hindi rin magwu-work kung saka-sakaling magkakaroon ako ngayon ng relasyon.”
Ganyan?
SA STAR AWARDS din, marami ang nakapunang mas sumeksi at gumanda pa nga lalo si Maja Salvador. Biro tuloy ng press people sa kanya, baka totoong makulay ang lovelife niya sa ngayon.
“Ako po? Maraming nagti-text. Maraming tumatawag.”
Pero wala pang nagwawagi sa puso niya?
“Wala pa. Wala pa talagang nagwawagi!” sabay tawa na sabi ni Maja.
“Nakakaloka nga dahil ang chika, meron daw akong non-showbiz boyfriend! Ha-ha-ha!
“Ano ba ‘yon? Wala po akong non-showbiz boyfriend!”
Si Coco Martin nga kasi ang napapabalitang nanliligaw sa kanya. Ano nga ba ang chance ng aktor sa puso niya?
“Chance ni Coco? Depende po iyon sa kanya. Ha-ha-ha! Hindi ko pa po alam.”
Pero ano ‘yong napabalitang ninakawan daw siya ng halik ni Coco kamakailan?
“Ayyyy! True! Pero as ano… naman ‘yon, as Krista and Alexander (characters nila sa Minsan Lang Kitang Iibigin). Kasi parang nag-mall show kami, hindi as Coco Martin and Maja Salvador kundi bilang mga characters nga namin do’n sa series.
“At siyempre, dahil sa sobrang nadadala ka dahil ang mga tawag sa ‘yo ng tao during the mall show… Krista… Alexander. Gano’n. Eh, siyempre bilang grabe ang suporta nila, tapos sobrang nag-enjoy kami, nadala na kami sa lahat ng mga pangyayari.”
Ows, hindi nga?
Rubbing Elbows
by Ruben Marasigan
