SA ITINAGAL-TAGAL ni Coco Martin sa showbiz, masasabing ang karanasan niya bilang isang artista (sa mga indie films, teleserye at pelikula) ay hindi na nakakahiya na siyang “bala” at baon niya para sa pagtangka niya na mag-direk ng kanyang kauna-unahang pelikulang “Ang Panday” na mapapanood ng publiko come December para sa MMFF 2017.
Ang karanasan ay isang malaking bagay para sa paghahanda sa isang mas malaking responsibilidad na iginawad sa iyo. Ang karanasan ni Coco ay hindi masasabing kulang. Sapat na ito na napanday na para sa bagong responsibility niya as a film director.
Sa kanyang nightly aksyon-serye na FPJ’s “Ang Probinsyano”, hands-on ang aktor sa bawat eksena at may input pa rin siya kahit may mga directors siya sa serye.
“Ang Probinsyano” is his show kaya alangang-alaga niya ito personally tulad sa paggawa niya ng “Ang Panday”.
With the caliber of actors like Eddie Garcia, Gloria Romero and Joonee Gamboa; hindi nila isusugal ang kanilang pangalan para lang mapapayag na mai-direk ng isang Coco Martin lang na ang tunay na pangalan na Rodel Nacianceno na siyang magiging professional name ng aktor as a director kung hindi sila naniniwala at nagtitiwala.
Kung ang ibang kampo ay nagne-nega na sa pagpasok ng Ang Panday sa first 4 films na kasama na inanunsyo ng MMFF 2017, ang tingin ko ay nagsa-sougraping lang sila at judgmental gayon bukod sa pagiging isang box-office star ni Coco ay hindi mo masasabi na isang ”papatiks-petiks” lang na artista.
Sa mga nag-resign na apat na mga execom ng MMFF, deadma na lang. You can’t dictate the public kung ano ang ng gusto nila panoorin. Hindi nyo pwede ituto kung ano ang maganda sa pelikulang basura.
Let’s face reality. Sa hirap ng buhay at mahal ng panonood ng sine, gusto ng publiko maging masaya. Gusto ng bawat Juan at Maria kasama ang kanilang pamilya na magwaldas sa Pasko sa mga pelikula tulad ng kay Coco bilang si Flavio.
Reyted K
By RK Villacorta
