HONESTLY, SUPER natutuwa kami kay Charice Pempengco, dahil nag-out na siya at ngayon nga ay nakakahinga na siya nang maluwag, nakakalabas ng bahay nang hindi na pinagtitinginan kung natuluyan na ba siyang maging “pards”, dahil inamin na nga niya na, “Opo, tomboy po ako!”
Bata pa lamang si Charice ay alam na niya kung ano ang gusto niya. Pero siyempre, kung nag-out siya nu’ng bata pa, eh baka rin hindi pumukaw ng atensiyon ang kanyang “true feelings”.
Heto nga’t dumidispley na rin sila ng dyowa niyang si Alyssa sa kung saan-saan na isang senyales na free na sila. Pero siyempre, alam naman ni Charice na maigi ring maging responsable sila sa kanilang mga action.
At any rate, halos lahat ng netizens ay natuwa kay Charice, niyakap siya at sinuportahan, at isa na kami sa yumakap kay Charice.
MATATANDAANG NAGKAROON kami ng hidwaan ni Charice matapos kaming magkomento sa kanyang looks, pero hindi naman para bawiin namin ang aming nasabi na, dahil opinyon naman namin ‘yon.
Ang importante ngayon, naka-move on na pareho at sabi nga namin sa aming friends, ‘pag nakita namin si Charice, kami na mismo ang lalapit at yayakap sa kanya, dahil pinabilib niya kami sa pagiging totoo niya.
Hindi naman siguro hahawiin ni Charice ang mga kamay namin kung yayakapin namin siya, ‘di ba? Hahahaha! Alam na.
PERO MERON ding nagtanong sa amin, “What if magpa-manage sa ‘yo si Charice, tatanggapin mo?”
Una, sabi namin, definitely, hindi naman mangyayari ‘yon. Pero hypothetical question lang naman ‘yon, sige, granting…
Ang gagawin namin ay bibihisan namin siya ng pang-pards. Definitely, ipapa-auction namin ‘yung mga damit pambabaeng ginamit niya nu’ng araw para sa charity.
Tapos, kahit pa pormang lalake na siya eh, ipami-maintain namin sa kanya ang pag-awit ng mga Whitney Houston, Beyonce at kung anu-ano pang pambabaeng awitin para unique pa rin ang kanyang dating.
Tapos, gusto namin, ‘yung gano’n siya ka-low profile, nagpo-po at opo at hindi na dumidiretso ng pag-i-Ingles para ramdam talaga ng mga Pinoy na si Charice ay hindi nalalayo sa karaniwang Pinoy.
Kung ikaw na bumabasa ay kumokontra sa gusto ko, eh ‘di ikaw na mag-manage.
Hahahaha!
Basta for now, I love Charice!
HINDI PINAG-UUSAPAN, pero confirmed namang hiwalay ng tirahan ngayon sina Raymart Santiago at Claudine Barretto. Siguro’y “nagpapahinga muna ang mga puso” nilang dalawa, kaya mapapansin sa Instagram account ni Claudine na solo niyang hatid sundo ang mga anak nila ni Raymart sa Ateneo.
Medyo nalokah lang kami sa post ni Claudine sa Instagram niya kung saan piniktyuran niya ang mga anak niya with matching caption na: “The very supportive & loving Ate Sab with our only Boy & Protector in our family Santino!”
Ano kaya ang ibig sabihin dito ni Claudine, ‘no?
Oh My G!
by Ogie Diaz
