BLIND ITEM: LITERAL na bulag na siguro ang hindi pa makakahula kung sino ang dalawang pares na ito na balitang may ugnayan sa isa’t isa, with the men’s respective partners totally unaware sa mga kalokohan ng kanilang mga dyowa?
Pair No. 1: Kilalang pulitiko mula sa Norte ang kataling-puso umano ng isang batambatang aktres na may lahing Mid-Eastern. Walang pinagkakakitaan ang aktres na ito, but how come she lives a luxurious life?
Pair No. 2: Tanyag mula sa kanyang larangan ang male celebrity na ito, na ang latest naman daw niyang conquest ay isa ring batambatang aktres na “royal” ang dating. Minsan nang na-link ang pamosong male celebrity sa isang aktres na nagpakasal sa kanyang childhood sweetheart kuno.
If there are Pairs No. 1 and 2, there ought to be two clues as well.
Clue No. 1: During important events ay laging magkasama ang dalawang lalaking sangkot sa pareho kong kuwento. Their videos and photos taken together will speak for themselves.
Clue No. 2: May kunek din ang Mid-Eastern actress at ang “royal” actress, na sabay pumalaot sa showbiz.
In no particular order, pero nasa mga consonants na ito ang initials ng apat na bida sa two-in-one blind item na ito.
C-L-M-P-S-Z. May duplication nga lang ng mga letra.
BLAME IT ON THE impeachment move against Ombudsman Mercedita Gutierrez, ang kasado nang planong pag-alis ni Sen. Bong Revilla patungong Amerika para sa kanilang renewal of vows ng asawang si Bacoor Representative Lani Mercado ay kanselado na.
Originally, marking their 25th wedding year ay muling magpapakasal sina Bong at Lani sa chapel (now Forest Lawn where Michael Jackson’s remains were buried) in Glendale, California. May 28 ang eksaktong petsa ng kanilang anibersaryo, pero idaraos nila ‘yon sa May 10.
Pero dahil nag-iinit nga ang usapin tungkol sa pagpapatalsik kay Gutierrez, the couple has no other recourse but to stay, and renew their vows sa mismong araw ng kanilang anniversary (which falls on a Saturday) na sa Cavite na lang daw gaganapin.
Talk about sacrificing one’s personal life for the good of the nation… for the good of the nation daw, o!
KUNG BAKIT KINUKUNSINTI ni Edwin ang asawang si Marlyn na umaakyat sa kuwarto ni Michael sa dis-oras pa mandin ng gabi, maliwanag na isang katangahan! Bale ba ang nakuha pang pagtulungang bugbugin ng ina at kapatid ni Michael ay si Marlyn, imbes na si Edwin sa katangahan nito!
Susme, tiyak na ito rin ang magiging reaksiyon n’yo sa episode ngayong Lunes ng umaga sa Face To Face na pinamagatang ‘Si Misis Na Makiri, Tuwing Gabi’y Tumatawid sa Bahay ng Ibang Lalaki’!
Pero teka, may nakakaintrigang lihim daw na dapat tuklasin kung bakit napapadalas ang pagpunta ni Marlyn sa kuwarto ni Michael, kaya ganu’n na lang daw katiwala si Edwin sa kanyang esmi.
Isa pang nakakalokang domestic set-up ang hatid ng episode bukas, Martes, na pinamagatang ‘Si Inay, Itinira Ang Kabit sa Bahay ni Itay’!
Hindi matanggap ni Nenita na makitang nagsasama sa iisang bubong ang nanay niyang si Delia, amang si Arsenio at kinakasama ng una na si Jonel. Lalo pang naghihimagsik ang kalooban ni Nenita nu’ng siya ang umako ng responsibilidad para itaguyod ang kanyang walong kapatid.
So kapal ng fez ni Delia na noong magbalik sa inabandonang pamilya, bitbit na niya si Jonel! Kaya hala, kayong mga sawsawero’t sawsawera, namnamin n’yo ang mga katsipang ‘yan sa Face To Face!
How tacky can life sometimes get…bow!
Pepperoni
by Ronnie Carrasco III
