HINDI NA NA-SHOCK ang publiko sa ginawang pag-amin ni Derek Ramsay sa TV Pat-rol na may asawa na nga siya. ‘Yung pananahimik niya nang ilang araw ay nangangahulugan na totoo nga ang balita. Kailangan niyang harapin at aminin sa viewing public na kasal na siya sa ibang babae. Ang babaeng pinakasalan niya ay si Mary Kristine Jolly (21 nu’ng pa-kasalan siya ni Derek), model, isang Indian-Filipina na ipinanganak sa Las Piñas. Ikinasal sila ni Derek noong April 3, 2002 sa Mayor’s office ng Balagtas, Bulacan. Sa pagsusuri ng lawyer sa marriage contract nina Mary Kristine at Derek, lumalabas na legal ang kasal nilang dalawa magpa-hanggang ngayon.
Buong tapang namang hinarap nina Derek at Angelica Panganiban ang tungkol sa issue. “My lawyer will be the one to take care of that. This is a very personal matter which I share with everyone and I have to face in the coming month. Just like the other injury that happens every month. I have to focus in my work and to those who are supportive, I wanna say, thank you. She (Angelica) stand by me and our relationship is very strong,” seryosong sabi ng hunk actor habang katabi niya ang actress.
Matapang na tinanggap ni Angelica na ang lalaking minamahal niya ay may asawa na pala. Nangyari naman raw ‘yun noong time na wala pa siya sa buhay ng aktor. Ang importante raw ngayon ay ang present at ang future. Wala raw siyang pakialam sa past relationship ni Derek. Ang pinanghahawakan niya ay ‘yung pagmamahal na ibinibigay nito sa kanya. “Gusto naming harapin na masaya kami, ‘di ba ? Tina-try naman namin ‘yung best namin na labanan ‘to, na okay kami,” wika ni Angel na very supportive sa actor.
Ayon sa aming source, ayaw magpa-interview, mag-comment ni Mary Kristine tungkol sa kanila ni Derek. Naging maayos naman ang kanilang pag-hihiwalay kaya wala raw siyang dapat pang sabihin. Matagal nang tapos ang tungkol sa kanila ng aktor. May kanya-kanya na silang buhay na tinatahak kaya nakikiusap ang Indian-Filipina na patahimikin na lang siya.
Ganoon din si Derek, umaasa ang aktor na sana’y matapos na ang unos na ito na dumating sa kanilang buhay ni Angel. Ang tanong, hanggang kailan? Hanggang saan ang pag-ibig ni Angelica Panganiban kay Derek Ramsay? Sa hinaharap nilang pagsubok, hindi nga ba nasusukat ang pag-ibig?
NASA CLOUD 9 na naman si Mariel Rodriguez nang sabihin ni Robin Padilla na pupunta sila sa Vatican para magpakasal. Matagal na palang plano ito ng action superstar, surprise sana ito para sa kanyang asawa kaya lang, may nagbuking sa TV host-actress.
Excited ngayon sina Mariel at Robin sa trip nila sa Rome para magpakasal at the same time, itutuloy nila ang naudlot na honeymoon. Bago sila tumulak sa Vatican, dadalawin muna ni Binoe ang kanyang mga anak na sina Ali ( Australia) at Camille sa US.
Ikinuwento pa ni Binoe kung papaano siya bini-baby ni Mariel. Nand’yang sinusubuan siya habang kumakain. Kahit raw maliit na bagay na kailangan niya ay agad na naibibigay sa kanya. Wala pa silang planong magka-baby. “Hindi ako nag-asawa uli para magka-baby. Gusto ko naman, ako ang baby sa buhay ni Mariel. Ang sarap yata ng feeling na bini-baby ka ng iyong asawa,” say ng action star.
Tanggap na kaya ni Binoe ang nababalitang relasyon nina Kylie at Aljur Abrenica. “Mabait na bata naman si Aljur at sa tingin ko malinis ang kanyang hangarin sa anak ko. Ako, bilang tatay, gusto kong ma-ging masaya si Kylie. Kung saan masaya at maligaya ang anak ko, hindi ko hahadlangan. Gusto ko lang, makilala niya nang husto si Aljur pati ang kanyang pamilya,” pahayag ni Robin.
AYAW Paawat!
by Eddie Littlefield
