GRABE NAMAN ANG kamalditahan nitong young star nang sadya nitong hindi pansinin ang isang pamilya na kumakatok sa kanilang convenient store noong kasagsagan ng bagyong Ondoy.
Stranded at na-stuck sa baha ang nasabing pamilya kaya’t nag-decide silang magpahupa sana sa isang gasoline station na mayroong convenient store. Ang siste sarado na nga ito. Pero dahil sa mahabang oras nilang pagkakababad sa trapik, sinubukan nilang makiusap na pagbilhan sila ng tubig o biskwit man lang.
“Nakilala namin ‘yung young star na nasa cashier pa at nagbabasa. Nalungkot lang kami dahil kung namo-monitor niya marahil ang naging epekto ng pagbaha, baka nagkaroon siya ng puso na pagbilhan kami. Pero dedma nga siya,” ang kuwento ng aming kausap na isa ring TV celebrity ng sikat ng network.
Obviously, nasa magkaibang networks sina young star at TV celebrity dahil kung magkakilala sila, baka hindi ganu’n ang nangyari. But still, pinatutunayan ng kuwentong ito na may mga gaya nga ni young star na kayang mangdedma at maging maldita kahit pa may trahedya na sa paligid niya.
KUNG HINDI RAW pala napigilan ni Willie Revillame si Ruffa Gutierrez nang minsan itong maging kalahok sa Willie of Fortune ng Wowowee ay malamang daw na nambuking pa ito ng ibang detalye on Willie’s lovelife.
Si Kris Aquino ang itinurong source ng beauty-queen host on Willie’s sending gifts and flowers to Lorna Tolentino, na agad namang dinismis ng Wowowee host.
Hindi raw ‘yun totoo kaya sinubukan din nitong ibuking ang aktres sa naging isyu nito kay John Lloyd Cruz na sinagot naman ni Ruffa na ‘luma’ na.
In fairness, nakaaaliw ang pagiging natural na komedyante ni Ruffa. Mahirap nga lang talagang paniwalaan na sa ganda niya ngayon ay walang nanliligaw sa kanya, kung paanong sinasabi din niyang sa estado ngayon ni Willie ay wala rin itong ibang lovelife?
KUNG TOTOO MANG nagbago na si Maja Salvador sa pakikitungo sa media, we simply hope na para sa ikabubuti ito ng kanyang karir.
Napaka-challenging ng role niya as Selina (dating ginampaman ni Hilda Koronel sa movie version) sa upcoming TV soap na Nagsimula sa Puso. Daring, sexy at kakaibang Maja, kumbaga. Just wondering kung ‘yung pa-tweetums niyang pagsagot-sagot during the RC Cola presscon nila ni Kim Bum ay may kinalaman sa image building niya.
Tahasan niyang sinabi du’n na loveless siya at wala na sa buhay niya si Carlo Aquino. She has but praises to Kim na ikinumpara siya kay Catherine Zeta-Jones in terms of beauty and appeal.
Inamin din nitong masarap itong katrabaho and that she looks forward na maimbitahan siya nito sa Korea para makatrabaho din ito.
By Gorgy’s Park
