SA WAKAS AY magkakatotoo na ang kasabihang “Pagkahaba-haba man daw ng prusisyon, sa simbahan din ang tuloy” para kina Kristine Hermosa at Oyo Sotto. Dina Bonnevie, Oyo’s mom, recently revealed that the two young stars will be tying the knot sometime next year.
Sinabi ni Dina na lumipad sila kamakailan patungong Canada para mamanhikan sa pamilya ni Tintin. Kuwento niya, “I met Kristine’s stepdad. He’s a very nice guy. Then nakilala ko din ang kapatid, then ang mom niya.”
Naging maganda ang pag-uusap ng dalawang pamilya kaya naman kasal na lamang ang kulang para sa pagsasama nina Tintin at Oyo.
Always a supportive mom, Dina wishes only the best for Tintin and Oyo. “Sa akin ang masasabi ko lang if you need my help, nandito ako. We have a very, very close relationship. Everybody wishes them well and we are waiting for that day na mag-iisang dibdib na sila. We wish the best for both of them.”
Dina added, “Hindi naman ako tumutol kahit kailan. Ang mahal ng anak ko ay mahal ko din. Wala naman akong kailangang i-advise kasi they are so much with the Lord. Pati ang mga seminars, iyong mga marriage weekend, iyong mga seminars, they’ve done all of that.”
Noon ay napabalitang nagpakasal na ang dalawa sa Amerika pero dinenay nila ito. Nagkakilala sina Tintin at Oyo sa set ng pelikulang Enteng Kabisote where she played Faye Kabisote, the wife of Enteng na ginampanan naman ni Vic Sotto, Oyo’s dad.
Since then the public had played a guessing game tungkol sa totoong estado ng relasyon nina Oyo at Tintin because although they are often spotted together and are very vocal about their feelings for each other ay wala pa ring malinaw na pag-amin mula sa kanilang dalawa. It’s obvious that they are in-love with each other. Sa wakas ay natapos na ang lahat ng mga speculations.
Tama ang hula ko noon that the truth was staring us in the face. Noon pa man ay iba ang gut feel ko tungkol sa totoong relasyon nina Oyo at Tintin. Sa tagal ko na sa industriya ay alam ko kapag ang isang artista ay in-love kahit hindi nila ito diretsahang aminin. Iba ang ngiti sa mga labi at ningning ng mga mata nina Tintin at Oyo kapag tinatanong sila about each other. Like in their last project together in ABS-CBN titled Precious Heart Romances Quickilig: Lumang Piso Para sa Puso, parehong kinikilig sina Tintin at Oyo sa isa’t isa.
To Tintin and Oyo, congratulations!
Kaibigan, usap tayo muli!
Points of Boy
by Boy Abunda
