TALAGA? NAG-AWAY-AWAY SINA Ate Gay, Teri Onor at Phillip Lazaro na nagkabatuhan pa ng mga bote at nagkatauban pa ng mesa?
Ano’ng pinag-awayan?
Simple lang daw at ewan kumba’t nagkapikunan.
Ang topic of discussion nila ay sino ang laos at hindi pa laos sa kanila.
NAMATAY NA AGAD ang isyung webcam scandal ni Mark Herras. Ang bilis ng “pahinga,” ‘no?
Ang dapat gawin na lang siguro ni Mark ngayon ay mag-ingat. ‘Wag nang makipag-chat with webcam.
Kung hindi man talaga siya ‘yon, o at least, meron na siyang warning. Pero kung siya man ‘yon, tagumpay ang kanyang pagdedenay.
Saka “behave” na muna sa “pakikipagtsugihan.” Kasi, baka merong babaeng magpa-churva sa kanya para lang mai-compare ang notes na nakita nito sa kumalat na eskandalo.
Eh, ang nakakalokah, baka mapatunayan ng girl na siya nga ‘yon, naku, patay, isyu na naman ‘yan.
Kaya isang pang-awat din ito sa “pag-iinit” ng katawan ni Mark.
NAKAKALOKAH, PAGKATAPOS MAGBATI at maging best of friends sina MTRCB Chairman Laguardia at Vice Ganda ay “hamunan” naman ang sumunod.
‘Yan ay sa pagitan nina Direk Wenn Deramas at Jobert Sucaldito.
Sa victory party ng Petrang Kabayo na patuloy pa ring pinipilahan ngayon ay namumula na sa galit si Direk Wenn, dahil na-provoke siya ng isang tanong tungkol sa kasamang si Jobert.
“Sinulat ba naman niya na flop ang ‘Petrang Kabayo’ at pati sa radio program niya, ‘yun din ang sinabi niya. Eh, Ogs, alam mo naman ang totoo, ba’t kailangang magsinungaling?
“Okay lang sa akin na sabihing pangit ang pelikula ko o tirahin mo ako, wala akong pakialam, eh. Pero ‘yung talagang naninira ka na lang, teka muna.
“Kaya ako, since ang tagal ko nang walang praktis, sabihin lang niya kung saan, suntukan kami!”
Sa totoo lang, mas gusto naming maging “peacemaker” kesa painitin pa ang ulo ng dalawa naming kaibigan, kaya sabi namin, kung napag-ayos namin sina Chairman Laguardia at Vice Ganda, eh, sana, maging successful kami na maayos ang dalawa.
Maliit lang ang industriya para mag-away-away pa. Kalokah!
AT DAHIL NAKA-P107 million in six days lang ang Petrang Kabayo ni Vice Ganda, inihahanda na ang next project ng Viva na hindi pa namin masabi kung ano ang kuwento, dahil bonggang-bongga.
Pansamantala, du’n sa mga nakaka-miss kay Vice Ganda at gusto n’yo siyang mapanood nang personal, watch lang kayo ng concert niyang “May Nag-text: Sampol! Sampol! Sampol!” sa Metro Bar, West Avenue on Oct 23, Saturday at 8:30pm.
Promise, mag-e-enjoy kayo, dahil ang lola n’yo, hahataw nang bonggang-bongga with the XB Gensan with the Mortal Kombat & The Showgays.
“At abangan nila ang loveteam namin ni Kean Cipriano. Lalo na ‘yung mga sumusubaybay sa aming twitserye. Baka rito lang, magkaroon na ng kissing scene! Ha-ha-ha!”
For ticket reservation: 0927-7862636.
Oh My G!
by Ogie Diaz
