AS OF THIS writing, malamang e, pang-limang araw na ni Enchong Dee sa Cardinal Santos Hospital dahil sa Dengue pero sabi naman ng kanyang bro na si AJ, on the road to recovery na ang ABS-CBN talent.
Pero teka. True ba ang sabi sa amin ng ilang mga close friends ni Enchong na kahit naka-confine na siya at nagpapahinga sa kanyang hospital bed e, tinatawagan pa rin daw siya ng production staff ng Magkaribal for him to report sa taping?
Ang pagkakaalam namin, kung may Dengue ang isang tao e, kailangan niya ng complete rest para tumaas ang kanyang platelets at hindi manghina. In fact, kailangan nga niyang uminom ng mga energy drinks para lumakas habang nagpapahinga dahil kapag pinagtrabaho mo siya e, siguradong bibigay ang kanyang katawan.
Sabi nga sa amin ni AJ, over-fatigue ang isa sa mga dahilan kung bakit nabiktima na naman ng Dengue si Enchong.
Yap, na naman! Dahil last year lang nang unang dinapuan ng ganitong klaseng sakit si Enchong at naulit na naman ngayon.
May mga lumalabas na raw na mga rashes sa face at katawan ni Enchong and in due time, malamang ay mailabas na raw siya sa ospital.
Nais lang din naming ipaalala sa mga taga-production ng Magkaribal na kahit na nakalabas na sa hospital si Enchong e, kailangan pa rin niya ng rest at hindi puwedeng magtrabaho agad para hindi bumalik ang kanyang Dengue.
You talaga, mga production staff ng Magkaribal…
AT 48 YEARS old, would you believe, kinikilig-kilig pa rin ngayon si William Martinez.
Yap! After Yayo Aguila announced on national TV na officially e, magkahiwalay na sila e, marami na raw ang nagpaparamdam kay Kulit (pet name ni William).
Lagi raw siyang nakatatanggap ng text messages from girlets asking him kung nasaan siya, kung ano ang ginagawa niya at kung puwede silang magkita and do some happenings.
At sa ganu’ng edad ni Kulit, maniwala kayo, meron siyang mga crushes.
Sabi niya, lima sa Channel 2, tatlo sa Channel 7 at isa sa Channel 5, pero ayaw niyang magpapilit kung sinu-sino ang mga girlets na ‘yon dahil hindi pa raw siya handa. Ganu’n?
Ayaw pa raw niya kasing manligaw but of course, that will happen in due time.
Okay lang din naman kay Kulit kung sakaling may magka-crush, may manligaw at magkaroon ng boyfriend si Yayo dahil ‘yon naman daw talaga ang kanilang napagkasunduan.
At ang divorce? Malamang, mangyayari raw ‘yon pero dapat e, si Yayo raw ang mag-file and he is willing to sign it.
Naku, Kulit! Dalawang taon na lang, half of the century na ang edad mo kaya bilisan mo na… jejeje!!!
OUR GOOD FRIEND Diego Bandido of Yes FM is very happy to announce na endorser na raw siya ngayon ng Diana Stalder Face Body Surgi Center by Dermaline.
He is with Nadine Bendigo, na runner-up naman ng Ms. Philippines Earth 2010.
Diego wants to add na may bagong branch ang Diana Stalder sa Tutuban Mall at dahil diyan, kelangang batiin mo ang editorial staff ng Parazzi Tabloid sa ‘yong programa sa Yes FM for one week, ukie?
Sour-MINT
by Joey Sarmiento
