PORKE ME blind item ako tungkol sa isang young actor na may sex video na hawak ngayon ng isang kaklase nito sa kolehiyo at ito rin umano ang ka-partner sa kama ng bagets actor ay halos lahat ng comments ay si Enchong Dee ang hula at ang itinuturo nilang kapartner ni Enchong ay si Sebastian Castro.
Hula lang, pero sila na mismo ang nag-confirm? Ano ba ‘yun?
Anyway, ako na po ang nagsasabi, hindi po si Enchong ‘yon. At ‘yung Sebastian Castro, alam kong kilala siya ng mga beki, pero hindi ko po siya kilala nang personal.
Kaya bumilib din ako rito kay Enchong, dahil sa sobrang confident ay naghamon pa sa kanyang twitter post ng: “Astig may video scandal pala ako? Paki-post naman para maipakita ko sa mga magulang ko habang bakasyon kami. Bilis, ang daming naghihintay!”
Definitely, walang makapagpo-produce ng sex video ni Enchong na may ka-sex na kapwa lalaki, dahil wala talaga.
At uulitin ko, hindi po siya ang tinutukoy ko sa blind item.
NAKALAGAY SA entertainment section ng Philippine Star last Oct. 4 na officially ay mag-on na sina Sarah Geronimo at c.
Personally, gusto kong magtagal ang relasyon ng dalawang ito, lalo na’t pinayagan na ni Mommy Divine Geronimo ang dalaga niyang beinte sais anyos na, na magboypren na. Kaya nga ang ngiti ngayon ni Sarah, abot hanggang bumbunan niya.
Mas maganda rin sana kung bibigyan ni Matteo ng magandang closure ang naging break-up nila ni Jessy Mendiola. Although alam ko masaya na rin si Jessy sa pag-e-entertain ng ibang suitors.
Pero ‘eto nga. Bago tumulak ang binata patungong US tour kasama si Sarah (last June 2013) ay two months nang mag-on sila ni Maria Mercedes that time.
May nakausap nga akong common friend namin nina Matteo at Jessy na nagsabing sa mga unang araw na nasa US pa si Matteo ay panay pa ang text nito kay Jessy, nangungumusta at “I love you” pa nang ”I love you!” Pero makalipas ang ilang araw, hindi na ito nagte-text ng mga sweet messages at dumedma na. At ang nakakalokah, walang mabigat na dahilan ay kumbakit biglang “nakipag-break”. Ang masaklap daw, “Hindi personal na sinabi. Itineks lang niya si Jessy. Siyempre, nainsulto naman ‘tong babae.”
At pagdating dito sa ‘Pinas mula sa US tour with Sarah, sasabihin na lamang nito kay Jessy na, “I’m not ready yet for a commitment.”
Sabi pa ng kausap ko, “Gano’n? Two months na kayong mag-on, tapos, babalikan mo si Jessy para sabihing hindi ka pa handang makipagrelasyon? Hindi ka pa handa, tapos ngayon, kayo na pala ni Sarah?
“Napaka-ungentleman, ‘di ba? Kahit ako, Papa O, kung nagawa niya ‘yon sa isang napakagandang babae at hindi basta-basta, eh ‘wag naman sana niyang gawin ‘yon ke Sarah.”
Hindi ko po ito sinusulat para manggulo ng isang magandang relasyon. Kahit nga ako ay pabor sa relasyong Matteo-Sarah, lalo na’t ako ‘tong gustung-gustong magkaroon na si Sarah ng boypren.
Pero mas maganda sana kung binigyan ni Matteo ng closure ang relasyon nila ni Jessy para kahit magkita sila nu’ng tao ay puwede niya itong ngitian, kumustahin at maging kaibigan. At higit sa lahat, maiparamdam man lang niya kay Jessy ang respeto niya rito bilang isang babae.
Oh My G!
by Ogie Diaz
