Hindi third party ang dahilan ng problema nina Daniel Matsunaga at Erich Gonzales. Ito ang kumpirmasyon ng binata sa kanyang social media account.
May nag-PM sa amin at sinasabing “pera” umano ang dahilan.
Ano kaya ang ibig sabihin ng nag-PM sa amin at may usaping pera sa hiwalayan ng dalawa? Kung tampuhang purorot lang ito, hindi magde-delete ang dalaga ng photos nila ni Daniel sa kangyang social media accounts.
Lumalala ang sunog. Hangga’t hindi isinasara ng dalawa ang mga kuwento at haka-haka sa hiwalayan nila, lalo lang lalaki ang usapin na pareho nilang pagsisisihan.
Sayang, akala ko nga kasalan na ang kasunod ng Mt. Ulap adventure nila last December.
Sa katunayan, ang DanRich fans pinupukpuk na ang kanilang social media accounts ng mga katanungan at kumpirmasyon, pero kahit sino sa kanila, ni isa ay ayaw magsalita.
Matanong nga si Heart Evangelista (ex-girlfriend ni Daniel na asawa na ngayon ni Sen. Francis Escudero) kung may alam siya sa isyung “pera” na siyang kumakalat ngayon na rason kaya naghiwalay ang magsing-irog. Sayang…
Reyted K
By RK VillaCorta
