USAP-USAPAN ANG PDA o public display of affection nina Vina Morales at Executive Secretary ni P-Noy na si Jojo Ochoa sa lobby ng Manila Peninsula.
Ayon sa scoopbox ng www.pep.ph, kamakailan lang umano ito nangyari, napag-alaman pa umano ng PEP na totoo ang nasabing eksena.
Ayon sa usap-usapan, tila nag-enjoy raw nang husto sina Vina at ES Ochoa sa drinks at atmosphere ng okasyon, kaya kahit public place ang lobby ng hotel, nangyari na nga ang sinasabing PDA.
Chika pa ng reliable source umano ng PEP, si Vina ang gumawa ng first move at nagpakita ng interes kay ES Ochoa. Hindi rin naman daw masyadong umiwas si ES Ochoa, sabi pa ng source.
Hmmm… baka naman lasing lang si ES Ochoa. Eh, ‘di nga ba, kamakailan lang, inilabas sa isang tabloid ang litrato ni ES Ochoa na lasing na lasing sa lobby rin ng isang hotel?
Si Vina naman, wala itong dyowa ngayon, dahil break na nga sila ng dati niyang boyfriend na si Cedric Lee, na siya namang ama ng anak ng singer-actress.
NAPANSIN N’YO BA kahapon ang The Buzz? Parang kulang… teka, uulitin ko… parang kulang na kulang. Dalawang hosts kasi ng show ang ‘di sumipot – sina Toni Gonzaga at KC Concepcion.
Ang nasagap namin sa mga usap-usapan, tila nagkaisa raw sina Toni at KC na um-absent sa showbiz talk show, dahil knows nga raw nila na pag-uusapan ang isyu nila kay Mariel Rodriguez.
Ang pasabi raw ni Toni, may sakit siya. Pero ‘di raw totoo ‘yun. Ayon sa usap-usapan, sinadya raw ng actress-host na ‘di sumipot. Bagama’t wala namang lumalabas na dahilan ng pag-absent si KC sa mga usap-usapan, sinadya na lang din ng dalaga ni Sharon Cuneta na ‘di sumipot sa show. Eh, ‘di ba nga, may issue rin si KC sa ‘backbiting’ umano ni Mariel?
Ayaw lang siguro nina Toni at KC na maipit si Kuya Boy sa alanganing situwasyon, at dumating na sa point na mamili ang host ng kakampihan. Kaya siguro, iwas-pusoy na lang muna sila.
