EWAN NAMIN KUNG siya nga ‘yong nag-tweet sa amin. Na nami-miss na raw niya ang showbiz.
Para lang makasiguro, tsinek namin ang profile niya, bago lang pala ang account niya sa Twitter. At ‘yung mga tweets niya, tsinek din namin.
Hindi lang pala kami ang sinabihan niya na nami-miss na niya ang showbiz. Maging si Bianca Gonzales ay sinabihan din niyang na-miss niya ang showbiz.
Ba’t kaya nagsasabi pa siya ng gano’n, eh, nakabalik na nga siya at bilang co-host uli sa isang noontime show na itago natin sa pangalang Pilipinas Win Na Win?
Feeling ba niya, hindi pa rin siya nakakabalik o hanggang ngayon, hindi pa rin siya makapaniwalang nakabalik na siya?
Actually, nu’ng bumalik siya, feeling namin, parang walang nabago. Ewan ko kung gano’n din ang feeling n’yo.
Pero malay naman natin, this time, makasilat na ang co-host na ito na itatago naman natin sa pangalang Janelle Jamer.
NAKAKALOKAH ITONG ILANG fans ni Denise Laurel. Inaaway kami. Pilit ba naman nilang inaangkin ang isang blind item at si Denise daw ‘yung tinutukoy namin.
Samantalang ‘yung idol nila, hindi nagre-react. Dahil siguro kilala nito ang kanyang sarili na hindi siya ang pinatutungkulan sa blind item na nag-iinarte sa set.
Well, ayon sa pag-aaral, generally speaking, gano’n daw talaga ang ibang fans. One-sided sila. Anuman ang maging desisyon o gawin ng idol nila, ‘yun ang tama para sa kanila.
Kaya uunawain na lamang namin sila habang kami naman ay isinusumpa-sumpa nila.
NAG-TWEET NAMAN SA amin ang mga fans o supporters nina KC Concepcion at Piolo Pascual. Nagpapasalamat sila, dahil sa magandang naisulat namin tungkol sa kanilang mga idolo.
Honestly, ito ang “couple” na hindi ko naramdamang naggamitan o dahil merong gagawing pelikula or show. Wala naman silang show, eh. Pero as much as they can, pribado ang kanilang relasyon.
Good influence pa sila sa isa’t isa, kaya bagay na bagay sila.
Kahit ang kagalit pang si Rosanna Roces ang tinatawag na “Curacha,” kukunin na namin sa kanya since hindi naman siya busy.
Ang totoong busy at babaeng walang pahinga ay si Ms. Ai-Ai delas Alas. Imagine, nilalagare ang Tanging Ina 3 na filmfest entry ng Star Cinema.
Tapos, pukpukan pa ang rehearsals ng kanyang nalalapit na concert sa Araneta Coliseum sa Nov. 19 at 8pm.
Iba-ibang bihis ang gagawin dito ni Ai-Ai, kaya tiyak na nakaaaliw ito, promise.
Teka nga, ano na nga palang nangyari kay Osang, sa ex-bestfriend ni Ai-Ai?
Oh My G!
by Ogie Diaz
