NEGOSYO ANG SADYA ng American hotel heiress at Hollywood celebrity na si Paris Hilton sa kanyang limang araw na pamamalagi sa bansa. Kasama na rito ang pakikipagkita niya sa mag-asawang Manny at Jinkee Pacquiao, na naunang iniulat na makakasosyo niya sa itata-yong negosyo sa ‘Pinas.
Masayang-masaya si Paris sa kanyang pagtapak pa lang sa Ninoy Aquino International Airport dahil sa dami ng mga fans na nag-abang sa kanyang pagdating.
Sabi ni Paris sa kanyang Twitter account: “Mabuhay Philippines! I just arrived, thousands of fans waiting at the airport when I walked in. I feel so welcomed here! Mahal ko kayo! :)”
Nauna rito, nalungkot si Paris sa pagkawala ng kanyang dalawang i-Phones bago lumapag sa airport ang sinakyan niyang eroplano, at hanggang sa kasalukuyan, hindi malinaw kung sa airport sa Dubai niya naiwala ang nasabing mga iPhones, o sa loob mismo ng eroplano.
Isang luxury store ang nakatakdang buksan ni Paris sa SM Megamall, at makikipagkita siya sa creative team ng Century Properties para sa design ng Beach Club of Azure Urban Resort Residences, kung saan kabahagi ang Hilton Hotels.
NASA BANSA RIN ang Korean superstar na si Eun Joo Park bilang Korea’s Ambassador of Music to the Philippines. Sikat na aktres at modelo sa South Korea, si EJ Park ay isa ring genius electric violinist na nag-aral pa sa Italy.
Halos dalawang buwang mamamalagi ang Korean superstar sa bansa para magsagawa ng mga serye ng pagtatanghal, at para rin magturo ng musika sa mga mahihirap pero talentadong batang Pinoy.
PROMOTION NAMAN NG kanyang first album ang dahilan ng mahigit dalawang linggong pananatili sa bansa ng tinaguriang Vancouver’s Singing Sweetheart na si Ethel Rose Amistad. Ang kanyang debut album na Ethel Rose: A Life Story ay nakapagbenta na ng mahigit sa 7,000 digital download sa iTunes.
Bukod sa pagiging front act sa mga concert ng mga Pinoy artists at international singer, nakapagtanghal na ng kanyang dalawang concert si Ethel Rose sa Vancouver.
Fully-booked naman ang schedule ng 13-year Pinay-Canadian singer at bagong recording artist ng Ecclesiastes Entertainment ni Ramil Omosura. Bukod sa TV guestings at radio tour, sunud-sunod din ang mall tour ni Ethel Rose sa SM Valenzuela (Aug. 19), SM San Pablo (Aug. 20), SM Dasmariñas, Cavite (Aug. 21), at SM Sucat (Aug. 26). After ng Philippine Tour ni Ethel, sa Malaysia at Indonesia naman nakatakdang destinasyon pa sa promotion ng kanyang album.
Clickadora
Pinoy Parazzi News Service
