MEDYO NAHIHIYA PA si Pia Magalona na sagutin ang latest na narinig naming isyung may bagong inspirasyon daw ito ngayon at may kapalit na sa nasirang asawang si Francis Magalona.
Nakatsikahan ito ng Startalk sa story conference ng bagong drama series ng GMA Telebabad na Pilyang Kerubin at kasali roon ang anak niyang si Elmo Magalona.
Kaharap kasi si Elmo habang ini-interview ito at ang pinag-uusapan ay ang lalaking nali-link sa biyuda.
“I don’t like to announce to everyone cause I think that it feels strange talaga talking to the public about that,” parang nahihiyang pahayag ni Pia habang napapangiti lang ang anak niyang si Elmo.
Non-showbiz daw itong lalaki pero ayaw i-share ni Pia dahil mas gusto niyang tahimik na muna ang personal niyang isyu lalo na ang lovelife. Pero aminado naman itong inspired siya bukod sa kanyang mga anak.
“Sayang naman ako, ‘di ba? Ha-ha-ha! It’s really not good to be alone. Parang I don’t know it’s very hard kasi ‘pag to meet somebody at this age, ‘di ba? Usually, it’s somebody you’ve already known before. That’s one thing I can say.
“It’s really something I can’t share. But he’s just here in my heart. Ha-ha-ha!” Natatawang pahayag ni Pia na nakiusap pa sa aming huwag nang kalkalin kung sino ito.
Nilinaw na rin ni Pia ang tungkol sa anak niyang si Maxene Magalona na ayaw na nga niyang i-partner dito si JC Tiuseco.
Ayaw raw niyang masyadong ma-identify ang anak niya sa iisang ka-partner lang dahil ayaw naman niya ng ka-loveteam. Tama na raw na nakagawa ng dalawang proyekto sina Maxene ang JC.
“It’s nothing personal, yeah definitely, but if JC has something personal to say to me, I wish he said straight to me.
“I’m not covering up or anything. I’ve never lied or anything, whatever they had was a friendship. I’d like them to grow into what their supposed to become, same as JC. He should grow towards were he’s gonna go too,” paliwanag ni Pia sa isyung iyan.
Ang gagawin ni Maxene ay ang bagong sinenobelang Sa Bawat Sandali, pero wala pa kaming ideya kung sino na ang ipa-partner kay Maxene.
HINDI NAMAN ITINATANGGI ng Starstruck Male Survivor na si Steven Silva na dumalaw sa condo unit niya minsan ang kasama niya sa Starstruck V na si Diva Montelaba.
Naging close daw sila noon pa pero hindi naman daw ganu’n ka-romantic. Niyaya raw niya minsan na dumaan sa condo unit niya pero wala naman daw malisya ‘yun.
Matagal na kasing vocal si Steven na si Diva ang pinaka-type niya pero sa ngayon ay mas gusto raw muna nilang mag-focus sa kanilang career.
Katatapos lang nilang mag-workshop sa GMA Artists Center, kung saan sina Direk Joel Lamangan, Atek Jacinto at Douglas Nierras ang nag-facilitate.
Pero mukhang kinikiyeme lang kami ng dalawang ito dahil hindi lang si Diva ang dumadalaw kay Steven kundi ganu’n din itong huli.
Kapansin-kapansin na nga ang closeness nilang dalawa at hindi na nakagugulat kung magkadebelopan sila.
By Gorgy’s Park
