SUMUGOD ANG PINOY Parazzi sa taping ng first episode ng bagong show ni Vice Ganda sa ABS-CBN, ang Gandang Gabi Vice, na mapapanood na starting this Sunday after Pilipinas Got Talent.
Kakaibang putahe naman ang inihahain ng Dos sa mga televiewers nito, dahil ayon kay Vice “it’s an open format. Iba-iba ang aasahan mong pasabog linggo-linggo. Basta two things na hindi mawawala: entertainment and kuwentuhan.”
True enough, sa nasaksihan naming taping, halos hindi maisara ng audience ang kanilang mga bibig sa walang tigil na katatawa sa mahigit tatlong oras na taping. Mula sa pagsasayaw ni Vice Ganda sa opening number with XB GenSan, True Colors and SexBomb Dancers, hanggang sa pakikipag-chikahan niya kina Angeline Quinto, Bea Alonzo at Kim Chiu, wala talagang dull moment ang show. Aliw rin ang pag-guest ni Mang Virgilio ala Yoyoy Villame na finalist sa Pilipinas Got Talent.
Isang nakakatuwang segment din ang pakikipagkulitan ni Vice Ganda sa audience, na siyempre pa, with his own trademarks sa pagpapatawa.
Mabilis nga lang lumipas ang tatlong oras na parang nasa isang comedy bar ka lang, plus dinagdagan ng ayaw paawat na chikahan with celebrity guests. Kumpletos rekados nga ang bagong pakulo ni Vice na para pa sa magaling na kome-dyante ay isang “breather” every Sunday mula sa every night na teleserye at MMK tuwing Sabado. “Enjoy at saya, kantahan at kuwentuhan muna tayo!”
‘Di mo na nga kailangang pumusta pa sa karera ng kabayo. Sa bagong show na ito, si Vice Ganda ang taya… sabi nga niya, siya ang magpapatawa, siya ang kakanta, siya ang magbibi-gay-aliw sa mga manonood, siya na… siya na ang lahat!
By Dani Flores
Sugod Shooting
Pinoy Parazzi News Service
