OLA CHIKKA! MASYADONG naging controversial ang panibagong advertisement nitong presidentiable na si Manny Villar, kung saan ang tatlo sa kanyang mga endorsers na sina Willie Revillame, Manny Pacquiao at Dolphy ay nagbigay ng statements tungkol sa kanilang pambato na si Villar.
Sa tatlong statements, ang kay Pacman ang pinaka-napag-usapan, kung saan sinabi niyang “laban ng laban wala namang napatunayan” na tingin ng marami ay patama ito sa kalaban nilang si Noynoy Aquino.
Matapos lumabas ang advertisement na iyon, tsaka naman nakita sa Twitter ni Kris Aquino ang isang message para sa isang Pinoy sports icon, kung saan idinepensa ni Kris ang kapatid at sinabi pa na pagdating sa pulitika, itong si Pinoy sports icon ay talagang bagsak.
Ayaw namang magsalita o linawin ni Kris kung si Pacman nga ang kanyang pinatatamaan, habang si Pacman naman ay hindi na lang sineseryoso ang isyung ito.
Kung tutuusin, hindi ko masisisi si Pacman dahil malamang ay napag-utusan lamang siya at ginagawa ang kanyang trabaho. Ngunit kung ako si Kris, masasaktan nga rin naman ako. Ang punto ko lang, kanya-kanyang paraan
iyan kung paano mo dadalhin ang tensiyon na dala ng eleksiyon. Kanya-kanyang diskarte kung papaano manalo kaya gaya nga ng paalala ko ay bumoto nang tama. Magsaliksik at ‘wag magpadala sa advertisement, intriga at paninira. Naniniwala ako na mas matatalino na ang mga tao ngayon upang malaman kung sino ang nararapat.
TULAD NG ELEKSIYON, nalalapit na rin ang solo concert nitong si Vice Ganda sa darating na May 15, 2010. Totoo ngang naging malaking tulong sa kanya ang pagbabalik-telebisyon niya sa pamamagitan ng Showtime at talaga namang napaka-suwerte niya ngayong taong ito, dahil sunud-sunod ang mga projects na ginagawa niya at isa na rito ang pag-remake ng Petrang Kabayo.
Wala namang duda kung bakit siya nagkakaroon ng ganitong blessings dahil ayon sa aking parazzi girl na laging nakakakita sa kanya, talagang napakabait daw nitong si Vice, dahil sa likod ng kamera ay wala raw itong kayabang-yabang na parang ordinaryong tao lang kung kumilos na hindi mo talaga mararamdaman kahit konting hangin sa katawan. Kaya naman sa tingin ko, kung hindi magbabago ang kanyang ugali ay patuloy pa rin ang mga biyayang darating sa kanya. Bonggacious!
BLIND ITEM: PITIK-BULAG! Sino siya? Sino itong komedyante na pagala-gala sa mga bar at doon ay nambibiktima ng mga kalalakihan?
Ang chikka kasi sa akin ng parazzi girl ko, madalas niya raw itong nakikita sa mga gimikan at doon ay nanghahatak ng mga lalaki sa CR. Ngunit ang nakakatuwa rito, wala pang dalawang minuto ay nagkakandarapa na sa paglabas ang mga lalaking kinaladkad niya.
Ha-ha! Mauutak na rin ang mga lalaki ngayon, dahil habang tumatagal ay nagiging choosy na sila. Kunsabagay, kung ako nga naman din ang mahahatak sa CR, magtatatakbo na ako dahil baka maknock-out ako at mapagkamalan pang totoo siyang boksingero. Kilala n’yo na? ‘Yun na!
AT HUWAG N’YO pong kalimutan ang aking OLA CHIKKA PRODUCTIONS para sa advertisement, guesting, exposure, shows at everything regarding entertainment. For inquiries just call us at 417 6181 at 0927 428 4216. Nais ko lamang pong linawin na hindi ko po personal numbers ang mga iyan. Lahat ng iyan ay office numbers kaya para sa mga updates sa akin at comments, maaari po kayong mag-send sa akin ng e-mail sa [email protected]. Maraming salamat po and God bless us all!
Ooola Chika
E-mail: [email protected]
by Tita Swarding
