TOTOONG NAKA-MOVE-ON na si Kim Chiu sa controversial break-up nila ni Gerald Anderson. Naging malaking issue ang love affair ng dalawa. Pati Kim-Gerald fans naging sentro ng intriga. Ma-drama ang naging eksena ni Gerald sa presscon ng kanilang pelikula, kung saan umiyak at nag-walkout ang actor. Eksenang hindi mo mawari kung nagpapa-underdog epek o gimik lamang?
Ilang buwang hindi mamatay-matay ang issue na may romansang namamagitan kina Gerald at Bea Alonzo. Always deny to death ang guwapong aktor tuwing nababanggit ang tungkol sa kanila. Nang mag-show sina Gerald at Bea sa US, pumutok ang balita na diumano nag-break na raw ang dalawa. To think na wala namang pag-amin na naging sila, pero nagkahiwalay na! Madalas nilang sabihin na friends lang ang pagiging malapit nila sa isa’t isa na palaging litanya ng bawat artista.
Nang tanungin si Kim tungkol sa diumano’y break-up nina Gerald at Bea. Ayaw niyang magbigay ng komento tungkol dito. Buhay raw nila ‘yun, ayaw niyang makialam. Happy ngayon ang young actress sa pagiging single at sa blessings na dumarating sa kanya.
Kahit may lihim na ugnayan sina Gerald at Bea, tahimik lang si Kim. Binabati naman raw niya si Bea tuwing nagkikita sila. Walang dahilan para hindi niya batiin ang magaling na actress. Hindi naman daw sila magkagalit at hindi siya galit dito. Katunayan nga, magkasama sina Kim at Bea sa Your Song.
Hindi pa handa si Kim na umibig uli, focus muna raw siya sa kanyang acting career. May movie na gagawin with Piolo Pascual under Star Cinema. Hopefully, may project with international action superstar Jacky Chan, kaya excited ang dalaga.
Sa ngayon, matatag na hinaharap ni Kim ang hamon ng buhay. Ayaw na niyang pag-usapan pa ang totoong nangyari sa kanila ni Gerald. Tapos na raw ‘yun, isang kabanata sa kanyang buhay na hindi niya malilimutan. Pakiusap ni Kim, “Respeto na lang sa amin ni Gerald at ibalato na lang po ninyo sa amin kung ano ‘yung nangyari sa amin. Once na magsalita, mas maraming masasaktan, mas maraming natatamaan. Ayaw ko po ng ganu’n.”
AT LAST, UMAMIN DIN si Gerald Anderson na nanliligaw siya kay Bea Alonzo. Hindi lang niya inamin na ang actress ang naging dahilan ng paghihiwalay nila ni Kim Chiu. Natapos na rin ang super pagdi-deny ni Gerald sa totoong namagitan sa kanila ng actress. Wala na kasing dahilan para itago pa nila ni Bea ang tunay nilang relasyon. Tama na ang pagkukunwari, naipalabas na ang pelikula nila ni Kim na ayon sa balita, hindi raw gaanong kumita ito sa takilya.
This time, gusto ni Gerald na maging totoo sa kanyang sarili. Patunayan kay Bea ang tunay niyang saloobin. Hindi ‘yung nagkukubli sila sa dilim. Inamin ng binata na nagde-date na nga sila ng dalaga. “We were seeing each other and mas nakilala ko siya. Hindi lang ‘yung si Bea Alonzo but as a person whose very genuine sorbrang bait and I have great opportunity to know her. We decided to stay friends muna…” say ni Gerald na alam nating may mutual understanding na sila, matagal na, ‘di ba?
Sige na nga, friends lang ang relationship na mayroon sina Gerald at Bea sa ngayon. Sa tono ng pagsasalita ni Gerald, ramdam mong in love ang binata. May lalim na ang namagitan sa kanilang dalawa pero pawang pagkukunwari pa rin ang drama ng actor. “We got to know each other better, ‘yun ang importante sa amin,” turan niya. Ganu’n?
Naging open si Gerald sa totoong saloobin niya kay Bea, walang dahilan para muling masaktan ang ex-girlfriend niyang si Kim Chiu dahil tapos na ang kanilang relasyon. Naging maayos naman ang kanilang paghihiwalay so, single sila ngayon. We’re good friends and sa lahat ng nangyari sa amin last few months, we’re even stronger. We’re all single, I’m doing it right now para kahit papaano, ma-sealed ko sila from all the things that has happened to us. Maprotektahan ko sila because I care for both of them,” pahayag ng aktor.
AYAW Paawat!
by Eddie Littlefield
