IKINAGULAT NI IZA Calzado ang front page ng Pinoy Parazzi last Friday, August 7, nakunan kasi siyang kasama ang rumored boyfriend niyang si King na magka-holding hands sa concert ng Nine Inch Nails sa Araneta Coliseum. Nakausap namin ang dalaga, hindi niya itinanggi may mutual understanding na nga sila ng binata. Nasa period of getting-to-know-each-other palang ang kanilang relasyon.
Sabi nga namin kay Iza, macho guwapito ang dating nitong si King, oozing with sex appeal na agad namang sinang-ayunan ng dalaga. “He’s a businessman and at the same time part-time lang niya ang pagiging band member, “ matipid na sambit ng magandang actress. Pilit nga namin inusisa si Iza kung kailan at papaano sila nagkakilala. Ilang months na ba silang mag-steady? Tumawa lang ang dalaga na halata mo masaya kahit hindi sinagot ang aming katanungan.
Pagpapa-tunay lamang ito na naka-recover na si Iza sa past relationship niya na tumagal ng four years. Naka-move-on na, maligaya ngayon sa bago niyang pag-ibig. “You know me naman, pagdating to my personal life ayaw kong pinag-uusapan. As much as possible, gusto kong maging private ‘yung sa amin pero hindi maiiwasan dahil artista ako. Kahit naman ‘yung past relationship ko, after we broke-up nanahimik na lang ako, never akong nagpa-interview,” pahayag ni Iza.
Ngayong bistado na si Iza na may King sa buhay niya, magiging open na kaya ang kanilang relationship ? I’m sure, nakatutok ngayon ang atensiyon kina Iza at King. Makaiiwas pa kaya ang actress na hindi mapag-usapan ang tungkol sa kanila ? Abangan na lang natin.
SA BAWA’T EPISODE ng Tayong Dalawa ay ka pansin-pansin ang galing sa pag-arte ni Jake Cuenca. Actor na nga siyang maituturing sa tunay na kahulugan nito. Buong puso niyang ibinibigay ang emosyon sa mabibigat nilang eksena ni Agot Isidro. Ramdam namin ang character na kanyang ginagampanan, maging si Kim Chiu ay hindi rin nagpahuli kay Jake sa acting.
Maging sina Gina Pareno, Robert Arevalo at Agot puring-puri si Jake sa husay nitong umarte. Puros take 1 nga raw ang binatang actor kahit heavy drama ang eksena.
Napag-iwanan yata si Gerald Anderson, walang kabuhay-buhay ngayon umarte ang binata. Kinakain siya nang buong-buo ni Jake sa bawa’t eksena nilang dalawa. Para tuloy siyang baguhan na nagsisimula palang humarap sa kamera. Nasaan ‘yung Gerald na kinakitaan namin ng potential noon na puwedeng maging isang mahusay na artista? Hindi yata siniseryoso ng binata ang character na kanyang ginagampanan kaya hindi namin maramdaman.
Feeling kasi namin gustong maging action star ni Gerald kaya kontento na siya sa performance na ipinakikita niya sa nasabing teleserye. Sige, watch na lang namin ang Agimat kung puwede nga siyang maging action star.
AYAW Paawat!
by Eddie Littlefield
