AWANG-AWA ANG kaibigan namin sa gitarista ng isang banda. Pa’no kasi, ito na nga ang iniwan ng misis na kanilang lead vocalist para sa isang lalaking kanang kamay ng isang pulitiko, si Gitarista pa ang tinatakot daw ni Kanang Kamay.
“Hindi ko naman alam kung ano ang pinagkukuwento ni Lead Vocalist sa bago niyang dyowa, pero ang totoo, mula nang kumalas siya sa banda, hindi na nga siya pinapansin nu’ng mister niya, pero ito pa ngayon ang hina-harrass.
“Ano ba naman ‘yan? Kumalas ka na nga sa banda mo para samahan mo ang isang lalaking may asawa na at iniwan mo ang asawa mo, tapos, ikaw pa ngayon ang nagke-claim na hina-harass ng mister mo?
“Magkape naman siya para magkaroon siya ng nerbiyos sa katawan. Saka ang nakakalokah pa, Mama Ogie, dahil miss na miss na niyang umawit, aba, nagtayo na siya ng sarili niyang banda para makakanta lang siya.”
So ano ba ang gusto niyang mangyari ngayon?
“Na hinayaan na rin siya ng mister niyang magkaroon siya ng sariling lovelife, eh magkanya-kanya na nga sila. Hindi, eh. Gagawa pa siya ng kasulatan na ibibigay niya sa mister niya ang iba pa niyang properties niya basta ‘wag lang siyang guguluhin eh, hindi naman na siya ginugulo, ano ba?”
Hay, nako… sa mga ganitong usapin ay ayaw naming makialam. Hihintayin namin si Misis na magsalita sa amin bago kami mag-conclude, dahil mahirap ‘pag one side lang ang kinuha.
Makapag-swimming nga muna.
(By Ogie Diaz)
