Opisyal na! Si Geoff Eigenmann nga ang gaganap na Fernando Jose sa malapit nang ipalabas na Pinoy adaptation ng sikat na Mexican telenobelang Rosalinda.
Tsika ng guwapong-guwapong si Geoff, nasurpresa siya nang malaman na sa kanya ipinagkakatiwala ng GMA7 ang pinag-aagawang leading man role ng bagong Kapuso talent na si Carla Avellana. Hindi kasi agad ipinaalam sa kanya ng kanyang mommy na si Ms Gina Alajar at kuyang si Ryan Eigenmann na siya nga ang napili para rito. Puspusan daw ang paghahanda nitong si Geoff at ginagawa niya ang lahat para naman hindi madismaya ang mga taong nagtiwala sa kakayanan niya.
Medyo matagal-tagal na rin mula nang huli natin siyang mapanood. Bisi-bisihan siya noon sa mga Kapamilya shows at nangibang-bakod nang mag-expire ang kontrata. Nabalita na gagawa raw siya ng serye with Maja Salvador na may working title na Moonriver pero hindi ito natuloy.
Ngayong bini-build up ang kanyang karir at nabigyan siya ng isang napakagandang break, isang malaking tanong kung papatok nga ba ang tambalang Carla at Geoff na parehong bago sa panlasa ng publiko.
Sa pag-goodbye ni Geoff kay Maja at pag-welcome kay Carla, dapat abangan kung pasasayahin at paiiyakin nga ba tayo ng bagong aabangang Rosalinda.
Stars Candid
by Mayin de los Santos
Photos by Fernan Sucalit and Parazzi Wires
