ISANG TEXT message ang nakarating sa amin na nagbabalita na nanalo bilang Best Actress sa 13th Dhanka International Film Festival sa Bangladesh para sa mahusay na pagkakaganap sa pelikulang Ekstra si Gov. Vilma Santos.
Sa slogan nilang, “Better Film, Better Audience, Better Society”, anim ang nakuhang awards ng bansang Iran, walang nanalo sa 23 na pelikulang naglaban-laban sa kategorya ng Best Film, samantalang si Gov. Vi ang pinarangalan bilang pinakamahusay na aktres dahil sa ipinakitang galing at makatotohanang pagganap bilang isang bit player sa nasabing pelikula.
Naniniwala kami na simula na ito ng pagkilala sa husay ni Gov. Vi internationally at marami pang kikilala sa husay niya bilang isang aktres sa ibang bansa.
Sana pagkatapos ng Ekstra ay gumawa uli ang actress/politician ng ganitong uri ng mga pelikula na ibang-ibang Gov. Vi ang makikita at mapanonood ng publiko.
Maiba Lang
By MELBA R. LLANERA
