AGAD NILINAW NI Derek Ramsay na walang katotohanan ang balitang hiwalay na sila ni Angelica Panganiban. Maging sa The Buzz last Sunday, nagbigay siya ng pahayag tungkol sa issue. “All relationships have problems and Angel and I have some problem. Not third party, not ‘yung pagseselos, not anything like that!”
Nakapag-usap naman sila ni Angel at naging maayos naman ang lahat. “We decided to take some time off to fix everything we’re going through and we did. We sat down, tinawagan ko siya, like it’s a two-minute conversation.”
Pinabulaanan ni Derek na super selosa ang kanyang girlfriend. “Iyakin si Angel, hindi siya selosa,” aniya.
Nand’yang may bagong babae raw ang macho actor na kasama sa Cebu during the Sinulog Festival. “Alam ni Angel ang tungkol d’yan. Sometimes fans ask me, ‘puwedeng magpa-picture na hinahalikan mo ako?’ Me naman, I’ll do it because it’s harmless. Don’t make damay innocent persons,” paliwanag niya.
Oo nga’t hindi selosa si Angel kaya dinadaan na lang niya sa pag-iyak ang kirot na nararamdaman niya sa kanyang dibdib. Hindi naman siguro bato ang puso ng dalaga para hindi maapektuhan sa mga babaeng inili-link sa kanyang boyfriend.
May issue pang ikinakabit ang pangalan ni Derek sa isang hindi kilalang member ng isang noontime show dance troop na binigyan niya diumano ng diamond ring. “’Yung diamond ring, I don’t know kung saan nanggagaling na may ibinigay raw akong diamond ring. I haven’t given anyone diamond ring…” depensang sabi ng actor.
Maugong din ang balitang muling nakipagkita si Derek sa ex-girlfriend niyang modelo. “That’s the icing on the cake, I thought the diamond ring’s the funniest, pero I haven’t seen Solenn (Housaff) for in… how long? Siguro, kung communication wise, a text or two, but it’s like months.”
May issue hindi pa rin daw na ‘di tanggap si Angelica ng parents ni Derek. “Hindi makikipagplastikan ang pamilya ko sa isang tao na hindi nila gusto. If that’s the case, please leave my family out of it. My family, they’re really honest and good people.”
Para kay Derek, normal lang daw sa isang relationship na magkaroon ng tampuhan. “This is not gonna be the last problem or the last test that Angel and I are gonna encounter. There gonna be many more and hopefully we tackle it the same way we’ve done in the past problems that we had. But right now, we clarrified everything, we’re okey doing well…”
LAST WEDNESDAY, PUMIRMA si Gretchen Barretto ng project/contract sa ABS-CBN. Super excited ang singer/actress sa bago niyang teleserye with Bea Alonzo at Derek Ramsay. Sa The Buzz last Sunday, guest si Greta nina Kris Aquino at Boy Abunda.
Hindi ba naging hadlang si Tony Boy Cojuangco para ipagpatuloy ni Gretchen ang kanyang showbiz career? “Sabi ko kay Tony, I’m gonna have a career. Ha-Ha-Ha! That means, wala na akong panahon sa mga kalokohan. Sabi niya, ‘Lover, go ahead…’ Pinagbabawal lang niya ay huwag ko raw gastusin ‘yung aking talent fee. Sabi ko, mayroon bang restriction? Sabi niya, ‘Go for it, give it all, give your best!”
Sinabi rin ni Gretchen na hindi pa raw nila napag-uusapan ni Tony Boy kung papayag itong makipag-kissing scene or bed scene siya with Derek. “At saka, alam naman ni Tony na ano lang ‘yun… siya pa rin ang binabalikan ko. Good girl na ako, hanggang tingin na lang. Kunwari, nagki-kissing na kami sa tingin lang. Ha-Ha-Ha!”
Napansin ni Kris ang magandang aura ngayon ni Gretchen nang hapon ‘yun habang nakikipagkuwentuhan sa kanila ni Kuya Boy. Tahimik na raw ang buhay niya ngayon at palagi siyang nagdarasal. Well, natagpuan na kaya niya ang tunay na katahimikan at magpapaligaya sa kanya?
AYAW Paawat!
by Eddie Littlefield
