Photos by LUZ CANDABA
by Jean Oli
Aba, mukhang bumobongga ang career nitong si Kris Bernal ngayong taon, huh! Kung pa-support-supporting roles lang ang drama dati nitong si Kumareng Kris, aba ngayon, keribels na niyang magkaroon ng lead roles noh. Aba, sinong mag-aakala na ang pagkakaroon niya ng baby face at tweetums image ay pwede rin palang maging isang dramatic actress? Korek mga kaparazzi! Dahil si Kris nga ang pinakabagong aabangan sa Dramarama sa Hapon.
Siyempre, super mega happy ang lola Kris n’yo dahil sa wakas, meron na siyang matatawag na sarili n’yang soap kasama ang ka-loveteam na si Aljur Abrenica. At take note mga kaparazzi, siya lang naman ang gumaganap ngayong Myrna na dating role ni Megastar Sharon Cuneta sa pelikulang Dapat Ka Bang Mahalin? Tsika nga, napi-pressure itong si Kris dahil naging Famas Best Actress nga naman si Mega sa movie version nito.
Mukha namang walang dapat ikabahala itong si Kumareng Kris, dahil ang isa pang tsika, humahataw raw ang kanyang soap sa Dramarama sa Hapon, huh! Pero kelan naman kaya aakyat to the next level ang kanyang acting – na tipong pang-Primetime na?
